طليقي بيرجعني بشروط شورو علي ارجع ولا لا

اسلوبه مستفز
شوفي كيف خايف على زوجته
وكيف يقلك انه مبسوط وعايش بهدوء
مو معقوله بتعيشين كذا بدون حقوق زوجه هل راح تتحملين
تقدرين تعطينه عياله وتتزوجي ترا من حقك
وتكون لك زيارات لعيالك
وتعيشي مبسطه بعد مو لحاله
الرجال مخذين حقوقهم صح
ودايما المرأه متبهذله وتتحمل

شوفي حنا ما ندري وش سويتي له عشان يكتب لك كذا


وما ندري عن خفايا الي بينكم .. لكن الصراحة واضح الرجال فيه خير ، ما يبيك زوجة ورغم كذا قال بيرجعك (يعني اسمك قدام الناس متزوجة وليس مطلقة) ، و بيأجر شقة و بيقضي لكم ، ويجي يشوف عياله


أشوف ان هالوضع أفضل من حياتك الحالية ، إذا انتي تبين هالمميزات وافقي على شروطه ، ولعل المستقبل يحوي صلح و خير و ما تدرين وش يصير


وإذا ما أعجبتك شروطه ، استمري على وضعك لكن فيه خيار انك تطالبينه بتوفير سكن حتى وانتي مطلقة دام جبتي أطفال ، لكن ماني متأكدة ، استشيري محامي بتويتر او انستقرام ، عشان تتأكدين


بس هذا طريق محاكم طويل و يزيد البغضاء الي موجودة بينكم أصلاً . الله يصلح الحال . ونصيحتي لك احذفي صورة المسج و اكتبيه باختصار ، لأنه ممكن ينتشر لا سمح الله ويوصله .

اخطأتي يوم وضحتي له نقطة ضعفك
وراح يستغلها واي تصرف منك
ممكن يهددك يطلعك من البيت
يعني وجودك فقط عنده اسم زوجة
ولالك اي صلاحيه تناقشينه في اي شي
لأنك وافقتي ع شروطه
انتِ لك كرامة وماحد يرضى الذل والمهانه ع نفسه
( ولقد كرمنا بني ادم)
( امساك بمعروف او تسريح باحسان)
ارفعي عليه دعوى هجر
وراح يأمن لك بيت لك ولعيالك ويصرف عليهم
وتعزين نفسك عنه( اسالي محامي راح يفيدك)
بس كونك ترجعين مكسوره ذليله ومغلوب ع امرك
ماحبيتها
خذي حقك بالقانون
والله ييسر لك ......

معاها دامك مطلقه اطلبي بيت ونفقه

صدقيني دامك ترجعي ع ذمته ماراح تتحملي تشوفيه متزوج ومع شريكه ماتدري وش يصير ولا تتحملي كلامه عليك
واضح انه مستفز هذا وانتي مارجعتي لذمته

بيت اخوك ارحم منه عالاقل اخوك لحمك ودمك ومهما ذلك اسمه اخوك
مو زي زوجك راح تحسي بالاهانه

ردت فعله باين زعلان منك وانك تنكدين عليه عيشته
واكبر دليل قلتي صار بينا مرادد
وزواجه كان يبحث عن زوجه تحتويه
واكبر دليل عطاك كل شي مصروف شقه اثاث وتنازل انه مايجيك لان الجرح كبير والفجوه كبيره


ماعليش ياقلبي على كلامي بس ذا الي اتضح لي
ارجعي وغيري شخصيتك وحاولي تتكشخي من دون متزودي كلام معاه وصدقيني يرجع بس صبر
وحاولي تكوني هاديه