تباشيــ ١٠ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊

تحاميل فولتارين تسككن الم الخياطه 🤙🏻🤙🏻رووعه وراح تدعين لي

حبيبتي انتي عسى ماتدمعين الا من فرحه ياقلبي

الحمدالله كل شي منسي عقب الخلاص وفرحه ضمه ضناااك يارب لك الحمد

الله يسلمك من كل شرر ياارب

قلت لك اسبابي ماراح استفيد منهم وقتها بشي بس بياكلون همي وبيعيشون معي الوجع ويتعبون وانا ابيهم بقوتهم لي خلصت وزوجي مابيه يحرسني اوومن ببعض سوالف العجايزه لانه يميل للصدق شوي

نسيت اقول لكم انهم خيطوني احس خيطوني من ورى لين قدام كااامل مع انها تقول ماشقيتك راسه هو اللي شقك واحسها كذبت علي لان راس ولدي جاء مشفوط وطوالي ومبين مكان اصابعها براسه من ورى حتى كان فيه مثل الماي وشوي دم كانها خدش باظافر والدكاتره ماكانو راضين يوم يفحصون ولدي ثاني يوم وهي تقول ماسحبته الكذوب والمنطقه اخاف المسها مادري وش هببووو فيني الوكاد اني كنت اتعب من المشي والفوطه تذبحني لي جيت اقعد اااه معاناه واللحين الحمدالله اشوى احس بديت اتعود على الوضع
عنايتي في الخياطه
منقعه مر واتشطف فيها وانشف عقب احط كريم كانه ميبو نفس الريحه ونفس المفعول بس اسم الشركه غيرر لانه مقطوع عندنا ويصرفونه الحكومه مع جل نفس المفعول اناوب بينها مره هذا مره هذا والمر مره في اليوم الى مرتين وقريب المغرب اتبخر ب ( نقض) هذا بخور النفاس بتلقونه عندكم في الحواج افصخ كل شي واتم بجلبيه بس واتبخر هذا يحمي من الشمم بعد الله والحمدالله اموري ماشيه بس في الجلسه اعاني احس اضغط على المنطقه وخف طبعا الدم عزكم الله
اكلي
ماحب اخربط كثير لان معدتي حساسه شوي واحس كثر الخربطه ماله داعي يبي لك بس عنايه واكل صحي وثقيل شوي مركزه على الحسوو وفيه حوايج النفاس اهم شي الفلفل الاسود والدارسين والمسمار والحبه الحمراء والطحين المحموس وينحط معاه بيض يامسلوق او مقلي مثل الشكشوكه على الوجهه وفيه فلفل اسود عشان ينظف البطن وحليب دارسين ( شوي ماي ينغلي مع دارسين عقب ينحط حليب ابوقوس وتخلينه يغلي شوي عقب بالعافيه ) هذا اولا يدر الحليب ثاني شي مايسبب غازات ابد ومفيد للنفاس وباقي اكلي من الاكل العادي اللي متعوده عليه اهم شي مافيه غازيات وخرابيط
ابي اقول لكم لا تكثرون ملابس للنيو بورن في البدايه حرام بيكير عليها بسرعه والشي اللي ماستفدت منه بودره السر لانهم خذوه يالحضانه ارب ايام ويوم طلعت الا قده شوي يابس خفت احطه واجيب العيد وهذا هو يسمع صوتكم مافتحته حتى

احس المره تشد الخيوط وتخليها تطيح قبل يلتئم الجرح
خلك بس على الكريم افضل لين تطيح الخيوط وبعدها استخدمي المره