سالفة ضيقت صدري!!

السلام عليكم ! كيفكم بنات !!

اليوم كللله حاسه بضيقة بصدري > ضيقة خلق
وكل ما افكر واتذكر وشو السبب؟
ما ايطري علي الا البنت اللي جات اليوم مع بنت عمها في الدوام
>> تغير جو يعني:(


بنت نعومه وهااادية ! جمالها بسيط بس عيونها كلها ...
ذكاء وطموح وشوية انكسار >> اقرا العيون انا:)


قعدت الى الساعة 10 ثم راحت البيت > اتصلت على احد لانها حست بالملل:(

مسكت بنت عمها وانا ماعندي نية اعتقها لوجه الله > ابي اعرف سالفة البنت

وهي تقول مالها سالفه "" >> ايه هين >> والله انها تعبانه ومتضايقة

عاد شوي وفضفضت > ما تقدر تقاوم نظراتي الفاحصة والذكية >> حتى انا عيوني خطيره:)

البنت هذي عمرها 31 سنة !! ماتوقعت ماشاء الله تعطونها عمر 19 وحولها
تقولي كانت شاطره مررره بالثانوي
بس قام ابوها وعطاها لولد عمها >> اللي ماخذ الثانوية بست سنين:09:
وعشان يعجلل بزواجهم > وضمن مستقبل بنته!! قام ملكها على ابن اخوه
وعطاه ( هدية من ابو البنت ) خمسين الف عشان المهر > يمون على باله
الولد خذا الخمسين (( واستأذن اهله بالسفر للدراسة( لانه هنا فاااشل بالعربي!!)
وقااالوااا تم !!

سافر سنتين ورجع افشل من الفاششل !!!!
وكانت البنت جاهزة تدخل الجامعة >> قام حط حرررته فيها !!!!!!!!!!
يقول لعمه !! انا ماابي زوجتي تكمل جامعة ! ولا ابيها توظف ! ابيها ربة بيت والجامعة كلها خراب!!

قال عمه تم!!

وقعدت ! وهو من مشروع لمشروع ومن معهد لمعهد ومن اوروبا لامريكا
يغيب بالسنتين والثلاث
ثم يرجع ثم يغيب بالسنة والسنتين!!

تراه تمكلها ( عقد عليها ) بعد ان انتهت من الثانوية )

ثم بعد مااات عمه >> ابو البنت !!
بعد سبع سنين ! كان مسافر الاخ وقعد سنه ثم جا ويوم عرف
قام وطلقها :09:

لااااااا....... وقال بكل وقاحة ابي المهر اللي قدمته !!
قاموا عليه الناس ومشاكل ووو ...... المهم عطوه مهرة الله لا يهنيه!!

وبعد ماسمع بعدين انه اخطأ في حقها وانه تراجع وانه يحبها > المتخلف سمع ان فيه واحد يبي يخطبها وجته الحمية واخوانها يفضلون اللي من لحمهم ودمهم على الغريب!!
رجعوه ( حرام يمسكها طول هالسنين ثم يطلقها ) رجعت له >> ترا كل هذا بدون دخلة ولا شي
يعني هي عند اخوانها

سنة الا وطلقها طلقه اكييييييييييييده اكيدة > حسبي الله عليك ! دام ماانت مقتنع وش هو له الظلم!

قامت البنت احتاجت قالت لاخوانها ابي شي من فلوس ابوي عشان اسوي لي شي
يفيدني
قال لها اخوها بكل برود
المهر اللي رجعناه لابن عمك من نصيبك !! والمهر الاول ( الهدية ) من نصيبك !!:eek:
بعدين ماانت محتاجه لشي >>> شاربه ماكله نايمة لابسه >> احمدي واشكري!
يعني مالك شي.........

بعدين اي شغل اي دراسه ودك ترجعين لها >> انتي مطلقه !!!!!!!!!!!وش يقوولون الناس!!
>> هي كانتت تطلبهم واسطه بس عشان تدرس او تتوظف >> لانهم يقدرون يوظفونها !
جاها خــــُــطاب ! بس تقولي بنت عمها انها كارهه الزواج وكاررهه الرجال !

بس تبي تعيش بسلام لين تموت!!:(


ضاق صدري عليها !
بجد الله يعوضها خير ........


والله مااعرفها يابنات بس تكفون ادعوا لها بالتوفيق:)