صارلي موقف ................معاكسه شباب ..................شوفو وش سويت؟

ولا اودع الشغاله واقول انتبهي على عيالي
الله يقطع بليسك ضحكتيني هههههههههه(( ولا اودع الشغاله واقول انتبهي على عيالي)))
انا اكبر خوافة كلة لازقة في بو الشباب
مرة كان هو يبغى يشوف كتب انجليزية تخص تخصصه ،،في المكتبة وانا صفر مكعب بالانجلزي مااعندي ماعند جدتي في الانجليزي ،،، وزهقت وانا واقفة وهو طول ...قلت له بروح قسم القصص اشوفهم واتفرج عليهم وكان قريب منه ...اطلع قصة واللتفت علية اخاف يروح مكان ..اطالع في قصة اشوي واللتفت علية ...اخاف يروح مكان يصير مايصير واموت رعب
هنا بالغربة اول ماجيت اخاف لحالي وكلة اقولة لاززم تجي معي ...الان خذنا 9 شهور عاودت على الوضع وبعدين اللي هنا ماعندهم هالسوالف .الا اذا كانوا في سكارى .
بس زوجي يقول لاتقولين ماعندهم سوالف توقعي كل شي في مجتمع الكفار،، لان مافية شي يردعهم ،،
طبعا مو اللكل ...لكن ماتعرفين مين الصالح ومين الطالح .

واذكر ايام المتوسطة كنا راجعين من المدرسة مشي ...انا مع بنت عمي وثلاث بنات.. يعني خمس ..المهم كنا بصف واحد بالشارع وماخذين نص الشارع ..الا ونشوف مجموعه من الشباب من بعيد تفرقوا كل اثنين ثلاثة وقفوا من جهه اليمين والباقي من جهه اليسار ...
احنا حسينا ان الموضوع فية شي قلنا وش نسوي ...قالت وحده نمشي عادي ولا علينا منهم واذا سوو شي نصارح لحد مايطلعون لنا عيال الحلال وينقذونا ،، ومشينا لحد ماصرنا بينهم ...واحنا نتنافض وهم يقطوون كلام واحنا مسوين اقوياء ونمشي لحد مابعدنا عنهم .
الله يحفظنا ويحفظ جميع المؤمنين

سبحان الله اختي انا نفسك الظاهر الي يخاف من المواقف ذي تصيرله انا قبل سنتين كنت ادخل السوق انا وخواتي واترك خواتي واروح اتسيوق وماجيهم غيروانا منتهيه من شراء الي ابيه وماكنت اخاف ولاعمري تعرض لي احد لكن بعدها مره كنت رايحه السوق وحدي نزلني اخوي وقال بعد ساعه اجيك لان الي ابيه حاجات بسيطه المهم وانا في السوق بعد ماطلعت من محل لاحضت رجل يتبعني قلت يمكن مشبه او يبي نفس المحل الي ابيه لكن اكتشفت اني المقصوده واخرتها دخلت محل عطاره كنت ميته خوف ودخل ابن الكلب وراي وسلم على الفلبيني العامل الظاهر كان يعرفه من قبل ونظراته فيني انا خلاص بغى يغمى علي من الخوف وطلع برى وٍسألت العامل اذا كان يعرفه انكر وقال ماعرفه (فيه انذال مثل الفلبيني ذا وراعين امانه مثل الهندي الي بالسوبر ماركت)المهم انا تجرات وطلعت ووقفت برى المحل ودقيت على اخوي وقلت بسرررررررعه تعال استغرب قال غريبه بالعاده هو الي يزعجني اتصالات خلصت والا لا ومااطلع من السوق الابطلعت الروح طبعا حكيتله الحكايه وجا على طول وسبحان الله اختفى ماشفته من بعدها
ومن ذاك اليوم وانا لو تقطعيني قطع مارحت للسوق وحدي اذا كانوا خواتي مو معي اخذت الوالده واذا ماراحت معي (ماتطيق السوق)كلمت بنت جيرانا ورحت معها ومع ذاك احس ماسلمت احيانا القى نظرات والقى متابعه من بعيد لبعيد بس متطمنه معي احد مع اني قسما بالله شكلي بالعبايه يسد النفس والقى بنات كشخه كانهم رايحين عزومه مو سوق والقى ماحد وراهم (يمكن ملوا سبحان الله)
معليش ازعجتك بقصتي

انا الحمد لله ما عمرى تعرضت لهذا لانى مايبين منى شىء ابدا يلفت النظر ولا ظفرى وعبايتى الراس واااااااااااااااسعة يعنى اللى يشوفنى بيقول عجوز وما بيعاكسنى الحمد لله
اما موقفك ما شاء الله عايك ذكية وعرفتى تتصرفى
اذكر مرة بنت صغيرة عمرها حوالى خمس سنوات كانت تمشى فى الشارع بمفردها لكن كانت ذكية ما شاء الله عليها
جا واحد بيسرق حلقها من اذنها وقالها انا ارسلننى بابا عشان اخد حلقك واوديه له
قالت له والله اهو ببا هناك اهو واذا بالرجاال يررررررررركض ويهج والبنت عرفت انه كذاب

لا ياوخيتي خذي معك مثبت شعر دايم بالشنطه واذا حسيتي بأي حركه غير طبيعيه منهم على طووول السبراي على عيونهم وحطي رجلك انحاشي خخخخ


انا صارلي موقف بعد لااحسد عليه وانا من النوع الخواف كنت بالثانويه ايامها كان عمري 16 او 17 سنه وكنت ارجع للبيت مشي وكان اخر يوم من الاختبارات وطالعه من المدرسه فرحانه انا وصديقتي ويجي واحد مسرع بالسياره ويصدمني تخيلوا اني طحت على الارض وعباتي على راسي ماطاحت خخخ
المهم على طووول انا قمت من الارض ورحت امشي بسرعه من الخوف بعد الحادث اللي صارلي والله ماحسيت بأي شي المهم افترقت انا وصديقتي هي بتروح لبيتهم وانا بروح لبيتنا الا واسمع صوت سياره وراي انجنيت يوم سمعتها خاصه اني جوا حاره يعني جد لو بيخطفني ولا اسهل منها لا وبنيه عمرها 16 او 17 عز الطلب (( يمه بسم الله علي )) :(
المهم وكل مااحاول اوقف يوقف سيارته هو بعد واروح من ورا السيارات وانا اتنافض فوق خوفي من الحادث اللي صار لي خوف من السياره اللي تلاحقني كل ماامشي خطوه يمشي وراي واذا كان يمشي عشرين فهو مسرع يعني واضح انه يبيني انا وملاحقني مو واحد مايعرف يسوق واقوم وش اسوي الا وارفع عباتي واحط رجلي اركض صايره كني سوبر مان بعباتي وهي طايره هههههههههههه
وافتح الباب بسرعه وكانت امي بأخر البيت كان في الحديقه اللي ورا البيت وانا توني عند الباب يعني بيني وبينها 900 م وجتني تركض تقول اسمع شهاقك وصياحك من هناك قلتلها فيه واحد يلاحقني مادرينا الا بجرس الباب يرن وبعد مافتحت امي الباب صار حارس المدرسه يبي يشوف صار لي شي او لا يقول انا اتحمل المسؤليه لو صار لها شي واجلس اصيح قلت لاتعلمينه من انا بنته وهاوشيه :(

ما شالله عليك اختي

عرفتي تداوينهم ههههههههههه