ابي شي يحفز نزول الحمل

ياعمري اذا الله كاتب له يثبت ويكمل راح يكمل مهما سويتي وشربتي، نصيحه لك حاولي تتقبلين وتحبينه وماشاءلله ولدك سنتين يعتبر يعني على ماتولدين يكون الفرق بينهم قريب الثلاث سنوات مره حلو ماهو صغير جيبيهم اثنين بعدين استخدمي مانع اقوى ماتدرين ولله اكيد خيررة لكم واذا زوجك شافك مبسوطه ومتقبله راح يتقبل وينبسط ماعليك اهم شي نفسيتك انتي ومايحتاج شغاله على ماتولدين ولدك ثلاث سنوات بيكون كبير وفاهم ، انا بكري الحين ثلاث سنوات ماشاءلله خلاص مافيه رضاعه ولا حفاضه وتلبس لحالها مره احسها كبرت وانا على وشك ولادة واحس اني متحمسه مرره لبيبي جديد صدقيني حلو فرق الثلاث سنوات عشان مايكبر ولدك لحاله ، يمكن عشانك مصدومه بس لانك تاخذين مانع بس تقبلي وانبسطي والحمل طويل ماهو شهر ولا اثنين على ماتوصلين ٩ شهور بالسلامه الا كل شي متغير وكلكم بتتحمسون للبيبي الجديد ، الله يعطينا ولا يحرمنا الحمدلله♥️♥️♥️

ياحبيبتي الله يسهل عليك ويرزقك الي تتمنين ممكن يكون عمر البيبي مقبول لكن انا اعاني من ضغوط من قبل الي حولي عشان عمري صغير ٢٦ وهذا بعد زاد علي التعب ..والله يسعدك ♥️

ياقلبي اميين والجميع ياررب، وانا عمري ٢٥ عادي ماعليك من كلام احد ولاتهتمين للي حولك ابداً ، اهم شي انتي وقرارك ونفسيتك اصلا اذا شافوك مبسوطه بيسكتون اما اذا انتي بينتي انك تعبانه وماتبين راح يزيدونك صدقيني، لاتسمعين ممن احد راي ابداً حتى زوجك الحمل عليك والتعب عليك والولادة عليك والتربيه والسهر عليك ماحد له دخل!!

قولي انا ابي يكون بينهم ثلاث سنوات بعدين ارتاح وحلاته اصلا نجيب عيالنا واحنا فهالعمر ونكبر ويكبرون معانا ♥️

قولي الحمدلله وصلي ركعتين ربي يشرح صدرك ويحبب هالحمل لقلبك ولاتفكرين باعشاب ولاغيره الحمدلله رزق من ربي وتجيبين اخو ولا اخت لولدك يكبر معاهم 😍

الحمدلله ، والله من ككل قلبي ادعيلك على كلامك الحلو الله يسعدك دايما ♥️♥️

دام الله كتبه لاتخافين بيعينك الله يكتب لك اللي فيه الخير
وقادر ياكريم يرزقني ويفرحني ويفرح ولدي باخ أو اوخت وكل محروم 💛