زوجي وغيابه الغريب

السلام عليكم
بنات انا لي 13 سنه متزوجه وزوجي السنين الاخيره تغير علي مرره وبالتالي انا تغيرت صرت عصبيه واتنرفز بسرعه من اي شي
الي مضايقني وخلاني اكتب الموضوع غيابه المستمر
دايم يتأخر بالعمل ويتعذر ويتحجج ان عنده شغل وكذا وانا عارفه بقراره نفسي انه كذاااااااب
واحيان يتعذر انه بيروح طلعه مع زملاه وبرضو كذاااب اكتشف انه كان يكذب
من تصرفاته وكذبه جاني الهم وصرت اتنرفز من اقل كلمه منه صرت ماعرف صدقه من كذبه وكل مايتكلم ادور الصدق فكلامه في اي جمله
الثقه انعدمت تماما فيه وحاولت مره اصارحه قلب الموضوع علي وقام يصارخ عشان يطلع نفسه صح
مادري ليه عندي احساس انه يمكن يكون متزوج
لو كان فعلا متزوج كيف اكشفه مابي يستمر باستغفالي بهذي الطريقه مرره مقهوره ومادري كيف اتصرف

17 تعليق 4,228 مشاهدة

شاركي في النقاش

سجلي الدخول لإضافة تعليق.

التعليقات

13
  1. @saayd_akhy_mbark

    طيب حبيبتي لو فرضا انه متزوج وكشفتيه وش بتسوين وقتها
    اذا انت تبين كل شي مكشوف ولك ليله ولها ليله صارحيه وطالبيه
    واذا لك تصرف ثاني فالله يعينك
    لكن احمدي الله على الحلال وانه مو راعي حرام
    وحاولي تشغلين نفسك بالطاعات
    وخذي حقوقك كامله
  2. @kot_akht_not

    اذا متزوج بالخفاء احسن لك
    لان التعدد كثر مره فهو لو تزوج بالدس معناته يبغاها فتره ومتفق معها على كذا وكلا يروح في حاله ويرجع لك
    لكن لو كشفتيه راح تتغير الخطه حقته بالكليه ويخليه زواج علن حتى يقهرك لانك رفعتي ضغطه بالمشاكل
    فلا تبحثي وراه لان لو بحثتي ونقيتي عليه وطلع فعلا متزوج راح تخربي على نفسك فنصيحه خليك قطه مغمضه ولاتناقشيه واسحبيه لك ولبيتك بالحنيه والاحتواء والاهتمام
    اغلب الازواج يجرب فتره وثم يمل ويرجع لعشه القديم اذا حصل زوجته ماتغيرت فترة غيابه
    اما لو كشفتيه فانتي اللي بينخرب بيتك ساعتها تقولي ياليت سكت ولا نبشت وراه
    ومصيررره بيرجع لك لكن اذا كنتي هاديه وحنونه
    وهذا كله توقع ممكن فعلا ماتزوج بس لو فرضنا انه تزوج سوي اللي قلت لك
  3. @shb_oghyom

    سالفه انك تتصيدن وراه ترى مو من مصلحتك
    الان كل ليله ينام عندك واللي متزوجها بالسرقه بالخفاء
    تبينه ليله لك وليله لها خلاص تصيدي
    فكري بعقلك ولاعطيه مساحه بيطير وبيرجع لعشك
    دام بالحلال لاتتضايق
    ودام بالسر تراه شاري خاطرك ورضاك
    رضى لها تكون مسيار او سر او اللي هو
    وانتي مارضى لك الجرح قدام الناس
    فكري فالايجابيات
    واكيد مانعها من الانجاب لو مسيار
    فلا تدققي الان فكري كيف تسعيدينه لحضنك وتخلينه ينشغل فيكي
    مو تفكري تتصيدي عليه
    الله يسخره لك ويكفيكي مااهمك
  4. @r0mance_dreams

    صاحبة الموضوع
    البنات الي يقولون فالخفا احسن ومدري ايش
    يابنات انا لو كشفته وطلع ظني في محله مابقعد معه دقيقه وحده اساسا بتكون هذي القشه الي قصمت ظهر البعير
    اروح في حال سبيلي احسن من هالهم والغثى الي معيشني فيه والقلق والترقب
  5. @shb_oghyom

    R0mAnCe DrEaMs
    البنات الي يقولون فالخفا احسن ومدري ايش يابنات انا لو كشفته وطلع ظني في محله مابقعد معه دقيقه وحده اساسا بتكون هذي القشه الي قصمت ظهر البعير اروح في حال سبيلي احسن من هالهم والغثى الي معيشني فيه والقلق والترقب
    والله فاهمه عليكي
    والحياه يبي لها صبر
    كلو نصيب
    تبي نشجعك ع الطلاق ولا ع التفتيش

    ي اختي حرام نأيدك على خراب بيتك...تبقين اختنا فالله

    والله نتمنى لك كل خير

    طيب انفصلتي وبعدين؟؟؟
    والله بتتحسفين لان السبب مو كبير ولامصيبه

    لاتحسبين لاتطلقتي منه بيجي واحد زي عمر بن الخطاب رضي الله عنه ولا زي ابو بكر رضي الله عنه

    الدنيا يبي لها صبر

    الترقب اللي تقولين عنه والشك

    ارحم من المغزلجي والمدمن واللي مايصلي

    شوفي مشاكل البنات والله تهون عليكي مشكلتك

    والله اني ناصحه لك
    وماراح انصحك بخراب بيتك ولا ع التفتيش

    لان حرام تتجسسين عليه
    وش بتكسبين؟؟ استغبي ترى الاستغباء فن لايملكه الا اصحاب العقول الكبيره

تابعي تجارب أخرى من هذا القسم.