تباشيــ ١١ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊

مادام استخرتي واتوكلتي على الله ماعليك من كلامهم

الحمدلله كل شي مكتووووب
وانتي استخرتي لاتلومين نفسك وافرحي بمولودك 💕
الله يخليه لكم

اليوم هدووؤ سلامتكم ياكروشات ونفوسات

صباح الخير
بقول لكم اكشن ولادتي
طبعا انتوا عارفين جاني طلق منتظم من الصباح بس ماكان قوي واستخرت ومارحت المستشفى
ونمت ع الساعه 3 وصحيت العصر صليت واستخرت لاني معزومه على عشاء وخفت اروح ويجيني الطلق والحمدلله مارحت
وع الساعه 7 اخذت شاور دافي وحطيت زيت ع ظهري وصار يجيني الم اقوى شوي من الصباح بس متباعد شوي
وع ال8 بدا يشد بس محتمل وعيالي يبون يروحون العشاء وانا باقي ماني متاكده هو صدقي والا كذبي
ومع كل صلاه استخير وبعد صلاة العشاء انتظم الالم وزاد وقلت زوجي خلاص بروح المستشفى ورحت لهم ع الساعه 10 وقالت مفتوح 5 ونص ولاده
وطلعت فوق وصار يشد الالم وع 11 قاست وقالت لازم نفتح المويا
و11 ونص فتحت المويا وبديت ادف مره اثنين ونزل البيبي بعدها ع طول الحمدلله وصار عندي شق صغير وخيطوه
الحمدلله كانت الولاده سهله بس انا خوافه وعصبوا علي لاني صرت اقفل رجولي واعطوني كمامه الاكسجين وقت الدفع وبعد الولاده جاني برد مو طبيعي احس الخوف نزل برجولي صرت ارجف
عقبال البقيه يارب بولاده اسهل من ولادتي
نصيحه يابنات لاتنسوا الدعاء وانتوا بايام عظيمه رددو ياحي ياقيوم برحمتك استغيث
ووقت الطلق التنفس الصحيح وشربه مويا بعد كل طلق والحوقله بين كل طلق والثاني
ونسيت اقولكم ان المويا والزيت انا قارئه عليهم سوره البقره والزلزله

الحمدالله على سلامتك انتي والبيبي ❤🌺