تباشيــ ١١ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊

وين براءه مختفيه مادري وش صار معها اليوم موعد ولادتها الله ييسر لها ويهون عليها ❤️❤️

انا من قبل الفجر وفيني طلق اقوى من كل مره والحركه مره زايده اول مره تقوى للهدرجه من دخلت التاسع باقي لي ١٣ يوم واخلص التاسع يارب تعينن وتيسر 😓💔💔

ماشاء الله اكشنك مشجع ومشكورة على النصائح 💕

عاد يوم عرفه موعدك يبغونك تولدي في العيد بس ماكأنه متأخر كان موعدك المفروض قبل

وانا اليوم مغص غريب بس على قولتهم طلق كاذب

صباح الخيرات حبايبي
الله يسلمكم جميعاً وعقبال عندكم ونفرح فيكم وفي البيبيات
انا. جاني صداااااع يوم الاربعاء فضيع مسكني من الظهر
واشرب بندول وانام واصحى مصدعه خفت مرا وقلت لايكون ظغط من الظهر الين العشاء وانا اشرب بندول ويخف ويرجع
مع طلق خفيف زي كل يوم يروووووح ويرجع
لين انتظم كل نص ساعه وبعدين كل عشره دقايق.
خفت المستشفى شويا بعيد عن اهلي40كيلو. ومع زحمه جده خفت قلت اروح في المستشفى واطمن ع الصداع وهل الطلق حقيقي ولا لا
وادخل. المستشفى الحمدلله تكشف تقول 4سانتي
كان الالم محتمل صراحه وكنت طول اليوم ادعي واشرب حليب دافي مع عسل
طلعوني غرفه الولاده الساعه كانت 12الليل
وجلست امشي واجلس ع الكوره واقرفص وامشي لين الطلق صار كل 3دقاقيق ويخف ويرجع مع الالم محتمل جات الدكتوره قالت اذا حسيتي بدف كلمي الممرضة عشان اجي اشيك كم فاتح
وجلست امشي ولا حسيت بشي والطلق برد
جات 5الفجر قامت الدكتوره تكشف قالت 7سانتي بس الراس بعيييييييده طبعاً لني لا امسي ولا شي مريحه طول الشهرر ماكنت ارضى امشي ولا اسوي تمارين ولا شي
وقالت خليني اعطيك جرعه طلق صناعي قلت لا بنتظر قالت خليني اعطيك ابره الظهر احسن لك قلت لا بنتظر وبس جلست امشي واقرفص لعل وعسى تنزل الحوض ولا كنو اسوي شي والطلق بارد محتمل
جات 7الصباح وجات الدكتوره
تقولي يابنتي خليني اعطيك طلق يساعدك واعطيك بنج في الوريد واساعدك انتي تعبتي خلاص خذي الطلق واتعبي مرا وحده
قال زوجي وامي احسن لك ترتاحي وانا خايفه لكن توكلت ع الله وركبت ليا المغذي وحطت الابره
وجا الالم. بغيت اموت. من الطلق وامشي وامشي في الغرفه انهد حيلي لكن طريقة التنفس وقت الطلق مرا مرا ريحني. جات الساعه 9 تكشف قالت ٨سانتي والبيبي. باقي فوق وقامت فكت المويا عشان تساعدني


وقالت كل ماحسيتي بطلق دفي ع تحت شوي قلت طيب وكل ماجات طلقه احاول ادف الين. حسيت الله يكرمكم عندي امساك وجات تبغى تكشف ع ١١
قلت انتظري في طلق واحس عندي امساك قالت ايوا دفي الا تقول ولاده ولاده. كماي كملي وتنادي السيتر واجتمعو عليا وانا يناس منهد حيلي نعسانه. احس وهم يصرخون خذي نفس ودفي ودفي وادف واغمض عيني الا تطلع بنتي نور عيني الحمدلله اختفى كل الالم ويرمونها عليا وباقي الحبل السري عليها ويشيلونها من عندي وينظفون لها ويعطوها اكسجين انكتمت لني. كنت. ادف وارجع اهجد ويصرخون خذي نفس ودفي وخفت مرا لكن الحمدلله ربي سلمها سامحوني اكشني كئيب لكن ربي كريم واكيد تخفيف لذنوبي وانا من حملت وانا مريحه حتى اسواق ماكنت امسي كثير مرا كنت كسلانه وذا اكبر غلط البنت لصقت فوق نصيحه من يبدا شهرك امشي كثير. والحمدلله على كل حال ربي يكتب لكم الولاده السهله ان شاء الله ونفرح فيكم يشهد الله خصيتكم بدعاء ودعيت لخلود بلاسم ربي يسهل عليها وعليكم