قرار الطلاق 💔خايفه اندم

السلام عليكم ورحمة الله وبركاتة
بنات انا تعبانه وفي همممممم مايعلمه إلا الله وابيكم تساعدوني انا متزوجه من ٣ سنوات برجل قمة ف الأخلاق وكريم وطيب معي ويحبني حب جنووون : لي منو طفل
حياتنا زي العسل وأي شيء ابيه يسويه لي بس ي بنات عيبه واحد انه شكاااك
‏كان ما نعني اروح مع أهلي اواطلع من غيره
طبعاً اول مره اكتشفت كنت حامل وماسكت ابد وصلتها لأهلي وأهلي ماقصروا معه
‏اعتذر وحلف لي إنه مراح يشك مره ثاني وانو يحبني وعشان كذا يغار وفهمته انو هذي موغيره ابببد ‏وصرت اروح مع أهلي وآجي ماكان يقول شي.
وارتحت سنه كاااامله معاملته معي زي العسل‏بعدين تغيريقولي ما تروحين إلى باذني ‏وسوق ممنوع الحدائق المولات والكوفي الا معي
يعني بس اروح جمعات العائله وشاليهات بسس ‏مو مشكلة انا كنت راضيه وعادي عندي اصلن انا موراعيه طلعات ‏المشكله حتى ف البيت احس صار يراقبني ‏‏يدخل علي فجأة وبدون صوت إذا قلت ليش ما تتكلم يقول عادي بيتي ‏
‏وإذا طلعنا ليش التفتي على هذا وليه ناظرتي هذا امس كنت ف محل وكنت أحاسب. وجنبي رجال ف بعدت منه شوي الا ويجي مععصب وقالي امممشي
وجعنا وعدنا أسبوع بس منفس ومعصب والبيت متوتر وانا ياغافلين لكم الله وجيته وسألته وش فيك وليتني ماسألت
يقولي ذاك اليوم يوم كنتي تحاسبين قلت إيه؟؟
قال الرجال لمسك!!!!! قلت كييف قالي انتي بعدتي منه مرتين. وانفجرت فيه قلت لأن المكان ضيق يامريض عشان كذا بعدت منه
حاول يهديني ويحاول يراضيني بس احس بغصه يبنات بمووووت من الغبنه 💔💔💔 فيني قهر مو اول مره يظن فيني سوء واسكت واسامح لأني احبه 💔💔💔وكان عندي امل أغيره بس من بعد كلامه لي البارح خلااااااااااااص عرفت إني ماراح اقدر أغيره.
المهم طلبت منه يوديني لأهلي لأنهم بعيد عني وقالي وماراح تروحين وأنتي زعلانه وسامحيني واعطيني فرصة ومن ذا الكلام. وقعد يبكي
وقلت له أني خلاص سامحتك اوكي (طبعاً كذب )
ابغاه بس يوديني لأهلي بعدين أتفاهم معها لأني اعرف ماراح يوديني وانا زعلانه
وقررت اطلب الطلاق💔💔💔💔💔💔 بس يبنات خايفه اندم تكفوووووووووووووون أنصحوني. هل قراري ف محله؟؟؟
اخاف اطلب الطلاق وأندم. ماادري وش اسوي