هل كلام الزوج .. دليل برائته وثقته من نفسه

ناس تبحث عن مشاكل الله يهديك الامر ان كان صار فهو انتهى لاتصيرين الدبور اللي يزن على خراب عشه وش ينفعك لاتطلقتي وخرب بيتك وتدمرت نفسيتك اطفالك بسبب شكك المرضي
هذا مو كرامه هذا غرور وبحث عن مشاكل
وعلى فكره ممكن زوجك يتزوج اذا تطلقتي ويصير صعب ترجعي وتصيرين مشتته انت وأطفالك لا قدر الله

الله يصلحك بس
شيء من الماضي مايحق لك تحاسبينه
خلاص ماضي وانتهى
المهم الحين الله يهدي سركم
ويسعدكم

انتِ بعقلك بالله ‼️⁉️


طالبة طلاق على شائعة في زمن قديم ،، نعوذ بالله من الشك والشرك


شوفي لو فرضا كلام اللي نقلك الوشاية صحيح ١٠٠٪؜ المفروض تقولي الحمدلله تراجع واختارتي ولا وقع بالخيانة ،، وتسكتين وترمين الكلام في سلة المهملات
فما بالك لو ان الكلام كذب وملفق عليه ؟ يابنت لا تشعرين زوجك انك غير واثقة فيه وانك تدورين عليه الزلة عشان تفتكين منه وتبيعيه بنص وربع ،،، وين العشرة ؟ وين الحب ؟ والذرية اللي بينكم


صراحة هذا الشخص اللي قال لك الكلام يتمنى زوال نعمتك ويسعى لخراب بيتك ،، وانتِ بلغتيه مناه
الان حتى لو انتهت المشكله وصدقتي زوجك ترى بنفسه خدش قوي منك يمكن له عواقب على سعادتكم

اشك بمصداقية السالفه
لكن على فرض ان السالفه صدق
انسان من كلامك طيب لك ويحبك ويمووت فيك وماشفتي منه شر
من كلام جاك ماتعرفين صدقه من كذبه تبين تتطلقين
ليش مسترخصه بحياتك هالكثر الطلاق مو شي هين عشان من شي انتي مو متأكده منه تتطلبين الطلاق وليته من شي قريب
لا من سالفه قديمه
مدري وش استفاد الي نبش بالموضوع ذا
وعنادك مو نافعك
وعلى فكره طلبك لطلاق بدون حتى دليل ماتعتبر عزة نفس تعتبر حماقه

مو غرور عزة نفس لو بيخون يخون بعيد عن قرايب لو بيتزوج شرع ربي مامنعته انتي من جدك يخونك مع بنت عمتك وتسكتي بالله من جدك ياكثر البنات والمصيبه انسانه شايلين رحمها يعني بدون رحم استغفر الله العظيم الله يهديها وخطافه رجال عشان الفلوس بس والخرفنه واكبر مني عجوز يعني لو فعلا صح والله مابقى معه دقيقه انتظره يرجع واروح لامى بطلاقي والصك كمان عفته وربي