التجمع ١٢٩ للمقبلات على أطفال الأنابيب والحقن المجهري 💉💊🧪 ​

الف الف مبروك ياقلبي الله يتمم لك
على خير وتشفوينهم بيدك
🌷🌷🌷🌷🌷
ويرزق كل بنات التجمع يارب

السلام عليكم


كل عام وانتوا بخير ينعاد عليكم يالخير ان شاءالله ويرزقكم بالذريه الصالحه دور السنه باْذن الله وعيالكم معاكم
مبروك للحوامل سالي وام الأميرات وكل اللي حملوا وماذكرتهم واللي فشلت عملياتهم الله يعوضكم خير يارب ويرزقكم
لحن انا الحمدلله بس الغرز مضيقة صدري ماقدرت اطلع انحبست في البيت وبطني للحين منفوخ مب قادره أتحرك عدل الحمدلله ان شاءالله تعدي الأيام على خير ويارب يارب يارب اسمع اخبار حلوه عنج انتي وحلم قريب ان شاءالله
جوليا عظم الله اجركم وغفر الله لميتكم الله يرحمه ويتجاوز عنه ويجعل قبره روضه من رياض الجنه ويجمعكم به في جنات النعيم وعسى ربي يرزقج بالذريه الصالحه ويرزقج بولد تسمينه عليه


الجميله اللي تحليلها 3 في حملي هذا اللي ربي ماكتبه لي هو طبعاً حمل طبيعي قبل الدوره بيومين يعني يوم الخميس ودورتي المفروض السبت طلع اربعه يعني مافيه حمل وسويت منزلي بعد ماطلع ويوم الثلاثاء عدت التحليل المنزلي طلع خطين ويوم الأربعاء سويت تحليل دم طلع 133 ممكن انقسام الاجنه بطيئ او انغرست متاخر او تفسيرات ثانيه وممكن يكون حمل ضعيف ترا مجرد تخمينات من عندي وش خسرانه حللي يوم 14 وعسى ربي يكتب لج الحمل السليم المعافى التام يارب ويختار لج اللي فيه الخير


استودعتكم الله الذي لا تضيع ودائعه ان شاءالله اسمع أخبار زينه عنكم قريب وان شاءالله تعدي فتره بسيطة وأجي أبشركم عني

بعضهم كانو برنامج قصير وبعضهم برنامج طويل
كل دكتوره يسوي طريقته بالعلاج في دكتور سوا لي تحفيز بطانه بس مانجحت ودكتور طلب اسوي منظار وسويت

العمليه الناجحه الاولى كان برنامج قصير وسوا لي شق حول الجنين بليزر يخفف من سماكه الجنين واستخدم لي المحلول الأبيض ونجحت
بعد الولاده بسنه رجعت اسوي العمليه عنده مرتين بس ماربي كتب وغيرت الدكتور

العمليات الاخيره الناجحه كانت برنامج الطويل مع فحص كروسمات الأجنه

ماشاء الله الف مبروك ربي يثبت مافي رحمك وتجيبيه بالسلامه

بسألك انتي سويتي تحديد الجنس بالترجيح ولا بفحص كروسمات الاجنه؟

امين يارب واياكم

مافهمت عليك انا طالبه تحديد جنس وقالت لي انه طلع ذكر متلازمه دوان