هلا بكم بنات
اللهم لك الحمد ولدت و جبت احلى بنوته الله يبارك لنا فيها و يرزقنا برّها .. طبعا انا اسمي كان بالقائمه و حذفتوه لاني ماشارك😔
حبيت اقولكم اكشن ولادتي علشان تستفيدون
طبعا كان يوم ولادتي ٨/٣ و ولدت في تاريخ ٨/١٣ الدكتور قرر علي تنويم و طلق صناعي في ٨/١٠ وكنت كل يوم أأجل احتري يجيني طلق طبيعي
كل شي سويته و مافي فايده سبحان الله رحمي كان مقفل قررت استسلم و اروح للمستشفى
مسكوني مباشره تنويم و قرر الدكتور ٣ جرعات تحاميل طلق صناعي كل ٦ ساعات تحميله على حسب الاستجابه
عطاني التحميلة الاولى من الصناعي الساعة ٢ الظهر و ابتدا مفعولها بألم بسيط شي لايذكر
الى الساعه ٦ المغرب جاني طلق و كان حامي مررره و صار يتقارب كل خمس دقايق بعدين كل ٣ و اخر شي كل دقيقه مايمديني ارتاح الا اشتغلت الطلقه و تقص الظهر الله يرحمني و يعظم الاجر😩😩
الى الساعه ٧ المغرب انفتحت و نزلت المويه و انادي على الممرضه قالت بنعطيك الجرعة الثانيه اقولها خلاص مو قادره بموت من الالم قالت بكشف و لمست الراس قالت يلااا ولادة على طول
بسرعه نادت الممرضه الثانية و غطت وجهي و سحبت السرير لغرفة الولادة و انا اصرخ و تقولي لاتدفعين صبري شوي
دخلت لغرفة الولاده و بسرعه قاموا يلبسون لبس العمليات و اصرخ ذيك الصرخه و تطلع بنتي و بسرعه جات و سحبت جسمها و قالت خلصتي
طبعا شقتني بنتي و خطيتني من برا و جوا
و الحمدلله انتهت رحلة الحمل و الولادة
نصيحه يابنات
خفت من الطلق الصناعي كثير و أأجلت و سبحان الله على شدته الا انه سريع ويخلصك بسرعه
و مانسى ساعدتني كثيرر تمارين التنفس اثناء الطلق كانت تخفف الالم و تفتح الرحم بسرعه غير كذا مهم جدا تكونين جالسه انتبهي تكونين منسدحه و الرطب كان جنبي بعد كل طلقة كنت اكل حبه اتغصبه
اتمنى اني افدتكم و الله يسهل على الجميع
تباشيــ 12ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊
متابعة النقاش، صفحة 188