تجمع (٢٥)لمواليد سبتمبر و اكتوبر 🤰🏽🤱🏽٢٠١٩💓

الله يسلمكم يارب 😘😘❤❤..
وعقبالكم كلكم فديت الي فرحو لي 😭❤
يارب عقبالكم سبحان الله شلون الوحده تولد بيوم ماتتوقعه ❤...
الحين اكتب لكم الاكشن حقي😆

ياعمري خييرة ياارب اهم شي تقومون بالسلامه ♥️♥️

تقريبا يوم الاحد حسيت بألم بصدري وبطني كأنه تحجر ومو عارفه انام بسببه بس قلت عادي طبيعي اغلب الحوامل يجيهم >< ..
ويوم الاثنين قبل ما نسافر ونمسك الطريق دخلت الحمام الله يكرمكم ونزل مني شوية دم قليل مش كثير وانا امسح بمنديل 😳💔 وخفت مرره وتوترت وكلمت اختي ورسلت للدكتوره اسألها 😭 و سافرنا ب السياره بعدها ماصار مجال امر المستشفى ..
وصلنا محطه ونزلت الحمام الله يكرمكم وشفت شوي بعد 😢💔وخفت .. و بوصط الطريق حجزنا فندق و كمان نزل علي شوي بس مو دم لون زهري شوي ... قعدت ادور ب قوقل خطر عبالي انها السداده وطلعت نفس الشكل تقريبا بس قلت معقول توني مادخلت التاسع😳💔 قلت لزوجي وقال خلاص بكره بس نوصل نروح المستشفى 😭 .
وصلنا تقريبا يوم الثلاثاء على المغرب و من التعب نمنا و كلمت المستشفى الى هنا عشان احجز اقرب موعد لاني جديده ع المدينه وقالو يبون رقم مستشفاي القديم عشان الاوراق ..
بس قلت لزوجي خايفه ماقدر اصبر خل نروح الطوارئ قالي خلاص بكره ان شاء الله ..
صحيت على الساعه ٧ الصبح كنت محتاجه حمام وفجأة نزل علي شي ، ارتعت لانه الافرازات تنزل ولا احس فيها ..شكيت انه ماي 😢 و قعدت زوجي و قلت له عنها وقالي يلا نروح نطمن بس قلت له اصبر ابي اسبح اول😁< فاضيه .. المهم دخلت تحممت وفطرنا وحفيت على السريع وطلعنا
وصلنا نبي الطوارئ وضعنا ف مشينا ندور ونسأل 😭 لما شافونا دكتوره ودكتور محتاسين وقالو امشو ندليكم .. وبعدها شافنا حارس امن و دلنا بعد .. دخلت لهم وقالو شفيك قلنا لهم ان نزل مني ماي و قبلها دم وفي الم شوي في بطني قالو طيب ..قعدت شوي ب الانتظار لما نادو علي و ركبو لي المخطط حق القلب ... وجات الدكتوره تفحص شوي الا احتجت حمام ورحت وحطيت منديل ورجعت الغرفه وجات لي وحده ثانيه تبي تفحص من جديد🤦🏻‍♀️ نزلت ملابسي الا في دم😳😱 جاتني الرجفه و هم شافو وقالو لي اوكي نورمال < طبعا اجانب ومو كل شي افهمه 😭😭💔 وجات دكتوره ثانيه وطالعت التخطيط وقالت لي انه النبض خف لمده ٥ دقايق و رجع طبيعي ف لازم اتنوم عشان يطمنو علي ... شوي الا رجعت وقالت ترا الماي الي نزل منك ماي البيبي واحتمال تولدين يا اليوم او بكره !

كملي 🙇🏻‍♀️🙇🏻‍♀️

احس كلامي كثير🙈 ..
المهم اني جاتني الرجفه و شوي بصيح مادري كيف الشعور ، صدمه! فرحه! خوف 😭دمعت عيني .. و زوجي متفاجأ ومتحمس ..
احتجت حمام مره ثانيه وقمت الا اشوف دم كثير خفت 😭💔 ..
المهم جات الدكتوره غير الي فحصت علي وسألتها الرحم كم فاتح لانه الي قبل ماقالو لي شي بس كشفو وراحو .. قالت فاتح ٣ سم😳 كانت الساعه يوم تقولي ٤:٢١ الظهر يعني اتوقع قبل بساعه او ساعه ونص كان ٣ .. وقلت لها ابي ابره ظهر سألتني كم تقيمي الالم الحين قلت لها ٤ من ١٠
قالت طيب ننقلك الغرفه الثانيه واعطيك بس اول بشيك مره ثانيه عليك .. وراحت وطولت شوي ورجعت وسألتني عن زوجي ( راح الشقه يجيبلي كم شغله وبيرجع ) كلمته وقالي عادي روحي عندها واجي لك الغرفه علميني رقمها بس .. ورحت معاها والالم زااااد ياربي زي الدوره 😭😭💔 صرت امشي معاها و احن من الالم .. وصلنا وطولت الاخت ماعطتني ابره تبي تتأكد من اوراقي قبل عشان مستشفى جديد علي وانا بموت من الالم 😭 ..
على ماخلصت التشييك قالت يلا بشوف كم فاتح واعطيك الابره تخيلو شيكو علي قالو فتح كامل😳 كانت الساعه ٥:٤٧ ..
ضليت احاول ادفع وادفع اخه وبعد الالم طلع البيبي على الساعه ٦ وربع واستقبلنا بصياحه 😭❤❤❤❤..


اليوم اول يوم لي ب الاسبوع ال٣٥ على حسبتهم ❤