اول شي تكفون لحد يستهزيء اللي فيني كافيني قولوا نصيحه أو خير بس لاتزيدونها علي
حنا كذا طبع فينا لأننا اساسا من سوريا أجدادنا عند عيال عمنا لبسه ساتره بس عادي مكياج وشعر ويسلمون بالعيد من بعيد ونرد وحتى امهاتنا وامهاتهم كذا وبناتنا وبناتهم كذا
بس قبل شوي عيالي أخذوا جوالي ويلعبون فيه بلعبه وجابوه لي ويوم جلست فتحت الواتس لقيت راسلين لعمهم اللي أصغر من زوجي صور خرابيط صورة السقف وصورة قهوتنا وصورة الشباك وفجأه حسيت قلبي طلع من صدري راسلين وحده من صور وجهي بالاستديو
انا متعوده إذا حطيت مكياج حلو اصور وجهي بس حتى زوجي يدري ودايم يضحك علي
بس ارتجف خايفه الرجال يحسبني انا مايستوعب انهم الصغار احس خلاص وجهي ماعاد اقدر اوريهم
صح وجهي بالصوره هو نفسه اللي بمكياج العيد بس انه ينرسل صورة جوال خير وربي احس بغثيان من الخوف
بالله لحد يقول ليه تصورين انا هذا طبعي من سنين طويله بس مدري كيف اليوم دخلوا الاستديو وانا مانتبهت مع انهم جنبي
عمهم قبل سنتين تزوج بس الحين مسافر يومين مصر يتمشى لحاله بدون زوجته
وانا جالسه اتخيل يرجع ويقول لأمه ترسلي
أو يقول لزوجي أو يدق عليهم الحين
امانه وش اسوي😢😢😭😭
شاركي في النقاش
سجلي الدخول لإضافة تعليق.
التعليقات
51- سوي حذف لصوره
mereym سوي حذف لصوره
فتحها راسلينها من مده طويله توني انتبه انا- اتصلي على زوجك وخبريه وهو يعتذر من اخوه ولاتخافي دام اصلا عادي عندكم تطلعون قدام بعض ماراح يزعل زوجك بس لاتتاخرين كلمي زوجك الحين وهو يكلم اخوه
- لا تخافين ولا تشيلين هم قولي الله اكفني شره بماشئت و بعدين دام عيالك مرسلين صور عشوائية اكيد بيعرف انهم الاطفال لاعبين بالجوال
ودي اقول لك علمي زوجك بس مدري عن طبيعة زوجك يتفهم الوضع ولا يقلبها عليك
انتي نيتك نظيفه وربي عالم ان عيالك اللي ارسلوها ادعي ربي كثير وان شاء الله مايصير الا الخير - شوفي اذا يمديك تحذفينها
اذا ماقدرتي تعذري منه قولي سوري ع الصور اللي وصلتك ولدي الله يهديه ارسلها لك وماعندي علم
مواضيع مشابهة
تابعي تجارب أخرى من هذا القسم.