التجمع ((١٣٠)) للمقبلات على الحقن المجهري وأطفال الأنابيب🥰

بخير حبيبتي

فديت قلبج انتي شوفي الدكتور افضل انا ماقدر انصح انا قلت الكلام اللي قالي الدكتور عليه طبعاً الدكاتره يختلفون بس انا رحت لكذا دكتور غيره وخذيت رأيهم يعني رحت للحكومي وقلت لهم قالوا مايحتاج ولو احتجتي ماعندج مشكله حتى لو وصلتي السابع بنسوي لج الربط لا تخافين لاني سمعت انه بعد الأسبوع 14 اتوقع ماعاد ينفع بس قالوا لا عادي واذكر وحده من البنات معانا بتجمع امهات التوأم سوت الربط اتوقع بالسادس ووحده بِسْم الله عليها وعلى بناتها بعد معانا بالتجمع كانت حامل حمل ثلاثي ماقدروا يسوون لها الربط وسبحان الله ولدت بالأسبوع 32 يعني ماشاءالله تبارك الله إنجاز ومعروف الحمل الثلاثي مايخلونها تطول نص الثامن يولدونها

اللي عليج انتي اللحين تستشيرين الدكتور وتشوفين رأيه اهم شي يكون دكتور ثقه مب مادي والشئ الثاني صلاة استخاره وأخيرا اذا مأسويتي العمليه ضروري تراقبين عنق الرحم كل فتره وتلتزمين بالمثبتات

ويارب يثبت حملج لين تدخلين التاسع وتولدين بالسلامه

بنات بخصوص الربط للي حامل بتوأم و سبق لها الحمل و كملت التاسع مايحتاج ربط
اما للي حامل لأول مره و توأم إخس لازم ربط لان ماتعرف قوة عنق الرحم لان ماسبق لها الحمل،،
انا كان عنق الرحم كويس و ربطت لاني بكريه و توام لذلك ماكانوا يعزفون اذا عنق الرحم عندي يتحمل الثقل او لا لان ماسبق لي الحمل ،،
و الحمدلله ولدت بالاسبوع ٣٧ و عيالي صحتهم زينه و فكيت الربط وقت الولاده كان رغبه مني يكون مااحس بشي ،، انا استشرت دكاتره كثير و اغلبهم رشحوا لي الربط اغلبهم كلمتهم ان الربط راح يوصلك للأسبوع ٣٧ اذا حافظتي على نفسك من الالتهابات و الحمدلله ،،
و اغلب اللي كنت اعرفهم سوا بالتجمعات او معرفه شخصيه ولدوا تحت الاسبوع ٣٥ لانهم ماسووا ربط و عيالهم احتاجوا حضانه لصغر حجمهم ،، معروف كل يوم بنهاية الحمل الطفل يزيد وزن و صحه فمابالكم باسبوع او اسبوعين ،،

طيب بتربطين في حملك هذا وهو جنين واحد هنا السؤال الاهم😑😑😑

انا بكريه وماسويت ربط

والله ماحب أضيع الحوامل مابين مؤيد ومعارض انا قلت راح يكون فيه تعارض في الآراء

انا ولدت بالثامن لان السداده انزلت وكان ضغطي مرتفع وفيني تسمم حمل يعني حتى لو مانزلت السداده كانوا بيولدوني بسبة المضاعفات اللي جاتني
ممكن الوحدة تربط بس مب معناته ماراح يجيها ولاده مبكره او مضاعفات الحمل اللي تصير وتتسبب في الولاده منها الضغط او السكر او تسمم الحمل وممكن ينزل الماي وغيره كثير

فالأفضل استشارة الدكاترة والحامل وش تبي اذا مب مرتاحة وتبي تربط

العنود انتي بتربطين بالحمل هذا؟؟

الله يسمع منك حبيبتى ويفرح قلبك