التجمع ((١٣٠)) للمقبلات على الحقن المجهري وأطفال الأنابيب🥰

معوضه خير يارب

بنات فيه منكم معلمات مغتربات ؟ يعني تدرس في قرية خارج مدينتها ؟

الحمد لله على كل حال
الله يعوضك بأفضل مما فقدتي ويفرحك بالذرية عاجلاً غير آجل

التحفيز يسوونه مع المنظار صحيح سعره ٢٠ الف الحين سالت عن سعره في الحبيب قالت يوصل ٢٠ الف انتو بكم سويتوها؟

مساء الخير بنات اليوم عندي موعد والحمدلله أموري زينه اسال الله العوض وانه يكرمني ويعطيني ويرزقني بالذريه الصالحه ابي اشبع من الأمومة الله لايحرمنا احس اشتااااق للحمل مع انه عندي ثنتين يسوون عيوني الله يحفظهم
بنات عندي سؤال للنقاش طبعاً سالت خواتي وصديقاتي قبل احس الإحساس مختلف ماشاءالله عليهم والله يحفظ لهم ماعطاهم وبعلمكم إجاباتهم على السؤال أخر شي
انا الحمدلله ربي رزقني ببناتي بحقن مجهري طبعاً حملت ثلاث مرات مرتين اجهاض واحد من الإجهاضات صادني نزيف وسويت تنظيفات ومره حمل خارج الرحم طبعاً بعد حمل خارج الرحم احس صار عندي تبلد وماعاد ابي شي استغفرالله كرهت كل شي وبعدها الحمدلله رجع عقلي امي اللحين من اللي شأفته فيني مب متحمسه لحملي خايفه والدكتورة اليوم تقول الحمدلله عندج اثنين في البيت قلت لها ابي عيال مب على كيفج وبيرزقني الله حمل طبيعي قالت ان شاءالله حسيتها تفاجأت من ردة فعلي
صار ودي اجيب عيال وبنات وايد يعني اكثر من خمسه 😜😜 مادري عمري بيلحق ولا لا🌚
ترا صج والله ودي ربي يعطيني عيال وايد ان شاءالله ادري انه ربي عطاني وماحرمني وحامدته وشاكرته وراضيه بحكمه بس مايمنع اني احاول احمل وأخذ بالأسباب لانه فيه ناس يجون ويقولون احمدي ربج عطاج والله أحمده على كل شي وأدري فيه ناس محرومين ماعندهم بس بعد ابي زود مايمنع
طولت عليكم سؤالي للكل سواء ماعندهم وللي عندهم عيال كم بيبي في خاطرج تجيبين؟؟
واللي عندهم عيال هل تشتاقون مثلي والا تبون تجيبون علشان عيالكم وأزواجكم ؟؟