كيف اقنع زوجي 😢

اهلين بنات اخباركم ؟
بنات كيف اقنع زوجي ياخذ شقه اذا رحنا محافظة اهله ؟ .. بيننا وبينهم ١٥٠ كيلو تقريباً و اذا رحت لهم انام بغرفة الضيوف واذا جو ضيوف اشيل عفشي واروح غرفة البنات ولهم روتين معين ، ينامون من ٩ الليل لين ٦ الصبح ويصحون وانا ماحب كذا 😣 ..
والله اذا رحت لهم احس اني اقتتتحم خصوصيتهم مرره السفره تنقسم والعيال م يدخلون ع امهم وكم مره يصير موقف ، خوات زوجي يدخلون هم وامهم داخل الغرفه ويسكرون الباب ويسولفون ويتركوني 😅 .. مع اني مو نشبه ابداً ما اجيهم الا كل شهر مره او كل شهرين مره وحده يعني مرررره رسميه معهم ، وزوجي اذا قلت له خلنا ناخذ شقه يقول انا جاي عشان اشوف امي واذا رحنا لهم قسم بالله مايعرفها بس يسلم اول مانوصل وبعدها يا طالع استراحة اخوه او بالملحق الخارجي مع ابوه والشيبان ... لي ٥ سنوات متزوجه والله ماقد تمشيت بالمحافظه ذي ابداً ..


والله احس ماعاد احد ينام عند احد مدري كيف اقنعه 😭 ، انا بعد ابي اقوم ع كيفي واطبخ ع كيفي وانام متى مابغيت ...

44 تعليق 9,667 مشاهدة

شاركي في النقاش

سجلي الدخول لإضافة تعليق.

التعليقات

42
  1. @noar_18

    كلها كم يوم بين فترة وفترة
    خلاص استحملي ومشيها
    طالما زوجك مو مقتنع يستأجرلك
    لوحدك
  2. @asbryso_1

    يختي كلها كم يوم وكل شهر او شهرين مره مايحتاج الوضع انك تأزمين نفسك وانك تقتحمتي خصوصيتهم وانك بتاخذين راحتك هذا الكلام لو عايشه معهم او انك تطولين عندهم مثلا شهر الاجازه انتي هونيها وتهون وتقبلي الواقع والظاهر بينكم مشاكل عشان كيذا مانتي مقبلتهم لكن الله يفرجها من عنده

تابعي تجارب أخرى من هذا القسم.