السلام عليكم
بنات انا باقي لي اخت صغيرونة عمرها 22 سنة وقاعدة مع امي هي الوحيدة لي باقي ماتزوجت
وتعامل امي معاها مثل ماكانت تعاملني بس اشد معاها
كأنه امي زوجة ابوها مو امها لي حملت فيها وربتها
اقسم بالله مشيلتها شغل البيت كله على راسها ومخليتها خدامة ل زوجات اخواني ومسخرة حتى اخوي الصغير عمره 18 مخلي جسمها ازرق من كثر الضرب وامي دايم بصفه وتدافع عنه
لا تشتري لها لبس ولا تطلعها دايما مرمية بالمطبخ او تنظف
وهي على شوي تاخذ علاج نفسي من انواع العذاب والاهانات والتحطيم لي تشوفهم من امي وانا من قبلها
طبعا السبب لي تعاملنا عشانه امي وتفرقنا عن الباقي تافه واحتفظ بتفاصيله
بالمقابل اخو زوجي خلص تعليمه ودراسته وتخرج ضابط وجاله تعيين والحين امه دايرة تبغى تخطب له وكلمتني امس يوم زارتني انها تدورله عروس بنت حلال من قرابتنا ومالقت للحين
طبعا انا كنت بدلها على اختي بس سكتت خفت تفهمني غلط
ياترا لو كلمتها اليوم ودليتها على اختي وفهمتها وضعها فيها شي مو زين ؟؟؟
مع انها ماتعرف بالاصل اختي كم عمرها لانها ماتزور بيت اهلي ابدا الا نادرا بالمناسبات ومافي اي صلة بينها وبينهم
شاركي في النقاش
سجلي الدخول لإضافة تعليق.
التعليقات
62- مدري والله بس كلام الناس مايرحم وبعدين راح يطلعون الكلام على اختك اعزيمها عندك وجيبي اختك خليها تشوفها اذا اختك مزيونه بتحط عينها عليها والله يكتب لكم الي فيه الخير ويفرجها ربي على اختك
- إذا بتدلينها على أختك ﻻ تعلمينها بوضعها بالبيت
قولي ربة منزل طباخه هاديه و ورويها صور لها
و قولي لها بعزم أختي لبيتي وتعالي شوفيها عشان ما تنجرح اختي لو ما عجبتك
خلي الموضوع بينك وبينها عشان لو ما صار ما تكونين أهنتي كرامتك وكرامة اختك
وهي يمكنها قالت لك دليني على احد من قرابتكم كانت ما تبي تحرج نفسها وتطلب أختك مباشره وتردونها - طيب ضبطي اختك من ناحية الشكل واللبس والكشخه واعزميها عندك أو مثلا عزيمة ببيتك وتشوفها
اتوقع اذا اعجبتها تخطبها
خصوصا اذا حلوه
لان هالزمن يركزون ع الجمال - صعبه انك بتقوليلها خذي ختي وتخبرينها عن حالتها لاتحرجين نفسك لوتبي اختك كان قالتلك من البدايه فيه ناس مايحبون يأخذون من نفس البيت واذا ربي كاتبه من نصيبها بتشوفه...ربي يوفقها ويرزقها بالزوج الصالح وبنات المسلمين
مواضيع مشابهة
تابعي تجارب أخرى من هذا القسم.