الزواج من رجل كبير ومعدد

السلام عليكم أتمنى م احد يغلط علي او يفهمني غلط انا متزوجه من رجل كبير فالسن عمري ٣١ سنه وهو ٦٩ تقريبا الحمدلله نصيب وانكتب لي وراضيه بقضاء الله وقلت راح اتحمل كل شي بس عشان اجيب لي ضنا وانبسط معاه ولكن الصدمه انا توي كملت سنه وعليها ولما كشفت فالمستشفى طلبو من زوجي عمل تحليل لسائل المنوي وطلعت النتيجه ان زوجي عنده الحركه قليله وقال الدكتور مستحيل ينجب طبيعي الا عن طريق التلقيح ليه قال مستحيل وربي ع كل شي قدير تعبانه وانصدمت كثير يالله رحمتك فيني ..مع العلم انه عنده بنات من زوجته الأولى حول ٧ م شاالله يخليهم لهم انا ف هم وضيق قالو سوو تلقيح صناعي وانا خايفه ومااعرفه وفوق ذا زوجي رفض يقول انا واثق مع الأيام راح يجينا ولد او بنت وهو عمره مو صغير ولا انا صغيره بس انا قلقانه وخايفه لان بعد سنتين وثلاث بيكون وصل حول السبعينات معناه الاحتمال اقل فالانجاب صح ؟ والله تعبت وانا افكر اصلي وابكي وادعي رب لاتذرني فردا وأنت خير الوراثين طمنوني وساعدوني لو بدعوه

55 تعليق 12,001 مشاهدة

شاركي في النقاش

سجلي الدخول لإضافة تعليق.

التعليقات

53
  1. مافيه شي بعيد على الله.. ادعي الله بيقين والله يرزقك يارب الذريه الصالحه.. و ممكن تراجعوا مستشفى ثاني بعض الدكاتره يقولك مستحيل تحملي طبيعي علشان يكسبوا من عمليات الحقن وغيرها ..
  2. @sahbbyy

    صاحبة الموضوع
    انا إيجابية❤️
    مافيه شي بعيد على الله.. ادعي الله بيقين والله يرزقك يارب الذريه الصالحه.. و ممكن تراجعوا مستشفى ثاني بعض الدكاتره يقولك مستحيل تحملي طبيعي علشان يكسبوا من عمليات الحقن وغيرها ..
    الله يكتب أجرك ع الدعوه بس هو يقول زواجي الاول سويت تحليل لسائل المنوي وكان ممتاز وانجب معقول الكبر فالعمر له دور يارب لايعجزك شي
  3. @kot_akht_not

    اكيد خطأ بالنتائج اذا عنده بنات
    ولاتخافي الرجل مو زي المرأه لو عمره ميه ينجب اهم شي يكون عنده طاقه
    لاتشيلي هم بيجك ضنا وبيمتلي بيتك بس ارتاحي واطمني دام رزقك عند الله
  4. @sahbbyy

    صاحبة الموضوع
    قوت اخت نوت
    اكيد خطأ بالنتائج اذا عنده بنات ولاتخافي الرجل مو زي المرأه لو عمره ميه ينجب اهم شي يكون عنده طاقه لاتشيلي هم بيجك ضنا وبيمتلي بيتك بس ارتاحي واطمني دام رزقك عند الله
    الله يريحك دنيا وآخره قد ايش كلامك اعطاني كمية راحه الله يسمع منك وكل من يتمنى يارب يارب

تابعي تجارب أخرى من هذا القسم.