ولدي افكر اني .....!!؟

اذا سكتي ومشيتي تصرفه ذا بدون اي ردة فعل صدقيني بيرجع اقوى من اول وبيتدخل ب اشياء ماهي من حقه وبيمارس عليك دور ولي الامر
يعني غصبا عنه تأخذين مفتاح سيارتك رضى مارضى ماعلييك منه
اذا باقي تصرفين عليه تقطعين عنه المصروف
تهجرينه بالكلام وبكل ششي
بيخربون اخوانه وكلهم بينفشون ريشهم عليك بس انتي قوي قلبك شوي
ولدك واااضح انه سماع للغير واكيد احد جالس يزن ب اذنه
بصراحه تصرفه غير مقبول انتي امه يعني الجنه تحت اقدامك


يالله يا اللي تتمنون الولد شوفوا الولد العز والسند للام وش مسوي فيه باقي تكه بسيطه ويمد يده ويحبسها بالبيت

أنا ولدي كان يزعل علي إذا أخذت السيارة وكنت أمازحه واقلبها غشمرة ..مع الوقت صحيح ما وده أسوق لكن ماعاد ينرفز زي أول ..
اكسبيه بالحب والصداقة ...صادقيه قولي أبيك تعلمني كذا وكذا ..يجون العيال بالهون والطيب موب بالضرب عيب تضربينه أفا عليك بس .


كوني له صديقة أكثر من أم ..سواء في هالموضوع أو غيره ونظام الوعيد والتهديد وفرض السيطرة ليس الوسيلة الصحيحة .

الله يهديه

لازم تكونين حازمه معه ولازم يهجد وين عايش ذا

الله اكبر يا حريم 😳
ما بقى غير ولدك ابن بطنك يأخذ منك المفتاح بالقوة!
يا الله من الوالد ومن الولد هنا !
حتى أولادكم يمشوا عليكم السلطة الذكورية ذا اللي يأخذ مصروف منك!
هزلت والله
قولي اشتكيك عقوق..لو سكتي الجايي أكثر وبيتمادى