شاركي في النقاش

سجلي الدخول لإضافة تعليق.

التعليقات

925
  1. @sbat_alhb

    صاحبة الموضوع
    بنت القصيم ..
    امي تقول اجيك اسبوع هي يالله تمشي اصلا احيانا بعربيه قلت وش تجين لا تعالي ريحي كانت بتعطيني شغالتها بس انحاشت اليوم خخخ
    ياعمرررري شايله همك ربي يحفظها ويطول بعمرها ولايحرمك منها والله يعوضها باللي أحسن منها لعله خير نحشتها بعضهم أعوذ بالله من شرهم وجودهم نقمه ونحشتهم تكون خير
  2. @lhth_lltthkr

    ام العنود ولولو
    ايوه انا ببكريتي نزلت علي مويه لكن في ولادتي الثانيه لا هم يفتحون الكيس علشان يحرضون الولاده لاني اخذ طلق صناعي الحمدالله ايوه احسها سبحان الله ساخنه
    انا بولادتي الاخيره انفكت المويا في البيت كنت مطوفه 15يوم قمت ابي اروح للحمام الله يكرمكن وتجيني العطسه واعطس وانا جنب السرير وتنكب مويا
    احسبه الله يعزكن بول لانه نفس الشي والاحساس واروح اركض للحمام قبل اوصل الحمام تنكب كميه ثانيه كانت لا رائحه ولا لون وبعدها رحت للمستشفى على طول وفحصتني قالت الرحم مو فاتح بس ترقيد على طول وانا كنت خوافه قبلت الترقيد هذا الكلام الساعه 2في الليل طلعوني فوق وضربوني ابر مضاد عشان المويا انفكت ولما صرت فوق افحصتني فحص ثاني قالت الرحم مو فاتح امشي واروح امشي وامشي وامشي وانا امشي با السيب الفوطه الي عطونياها اتعبت مويا والبنطلون والعبايه تنقط كاني غاسلتها مو راضي يوقف واذا رحت للحمام ما تنزل المويا مره وحده وارتاح لا قطرات زي المطر المهم وما احس بوجع والبطن زي ماهي على كمية المويا المهوله الي نزلت ما في تغلص بحجم البطن المهم وينادوني فحص جديد قالو نص سانتي الساعه اربعه الفجر 🥺 وتروح تسويلي توسع ما كان بذاك الوجع كان الم محتمل قالت امشي وارجع امشي امشي واحس صار يجيني الطلق بس متباعدات واستمريت امشي والممر الي امشي فيه خلاص صار كانه مغسول وحاطيلي كرسي بس اسفنج كل ما تجي الطلقه اجلس عليه ويتشرب المويا وارجع اجلس عليه اذا جت الطلقه الثانيه مت من القرف المهم وينادوني الساعه تسعه الصبح وسوولي فحص طلع اربعه ارحموني ودخلوني غرفة الولاده ولبسوني البس الاخضر قلت بس جاء الفرج واجلس بغرفة الولاده وما شاء الله الناس تروح وتجي وتولد وانا جالسه طبعأ نظامنا تولدين على نفس السرير ومعاك با الغرفه ثمانيه يولدن وبينا ستاير بس واشوف هالحريم تبارك الله يجن مستويات الي بس يرفعون رجليها اسمع صوت صياح البيبي واذا خلصن يدعلي ان الله يفرجها علي 😭 لان جلست اصيح واترجاهم يولدوني عمليه المهم صارت الساعه ثلاثه العصر واحس خلاص برد حيلي مافيني طاقه حتى ابكي كنت زي لجثه اذاسوو فحص داخلي يقولون الجنين فوق ما نزل الحوض المهم طلعو بيشاورون المرافق على العمليه واشوف الدكتوره باكستانيه ونيجيري وهنديه يتكلمون عني وانا جثه خلاص وعندي قابله واقفه ورجلي مرفوعات فوق ولا شعري منفوش زي الزير سالم تخيلو بس المنظر الا اسمع صلات العصر واحس بدفع وادفع والقابله تناظر مصدومه تقول بيبي از كمن وحسيت بنتي شقت الحم وطلعت 💔😩 نسيت الالم نسيت كل شي اهم شي سلمت ويلتفون حولي ويباركولي ويقولون خلاص مافي عمليه

    اقولكم اغلاطي انا من دخلت السابع ماعدت اتحرك حتى الكلينكس ما اشيلها وتاركه البيت على حل شعره لاني من المتاخرات با الحمل وكنت اخاف اولد قبل الاوان الين احس صار جسمي كرب مو لين ومتهيأ للولاده والتاسع ابد ما قمت من السرير وكمان اكلت لحم ابل كثير
  3. @lhth_lltthkr

    بما انه كمان تتكلمون عن المويا بقولكم بولدي الكبير
    كنت من نص الثامن يا بنات اشوف الله يعزكن ينزل قطع صغيره كأنها جلاتين بس على اصفر شوي بس زي الجلاتين كان برمضان وتخبرون مع الانشغال والروحات والجيات سئلت امي قالت عادي وتصير وانا كنت جاهله صدقت انه عادي وتصير كنت كل فتره اشوف زي الجلاتين يمكن حجمه سانتي المهم وما كنت اتابع كنت بشهر اروح مره وحده لما دخلت اسبوع با التاسع رحت للمستشفى قالو مافي مويا والقطع هذي المويا ويعصبون علي وانا ماغير ابكي وعلى طول تحاميل طلق صناعي عطوني ثنتين وطلع ولدي مرعب ونحيف وزي المخنوق 🥺 بس الحمد لله مافيه شي الحين
    يعني الي تشوف قطع زي الجلاتين هذي نوع من انواع موية الجنين
  4. @drym_oyb_1

    لحظة للتذكر
    انا بولادتي الاخيره انفكت المويا في البيت كنت مطوفه 15يوم قمت ابي اروح للحمام الله يكرمكن وتجيني العطسه واعطس وانا جنب السرير وتنكب مويا احسبه الله يعزكن بول لانه نفس الشي والاحساس واروح اركض للحمام قبل اوصل الحمام تنكب كميه ثانيه كان…
    اوف تعبتي كثير الله يجعا هالولاده اسهل واسرع

تابعي تجارب أخرى من هذا القسم.