يارب
اليوم بلغني أن اخو زوجي واخته سوا حادث وكانت معه بنتي الكبيره الحمد لله حمدا كما ينبغي لجلال وجهه وعظيم سلطانه الجميع بخير بس إصابات بسيطه وبنتي سلمها ربي الا من خدوش بسيطه طبعا ماراح اعلمكم شعوري لما تلقيت الخبر كلمت اخوي وقلت عيالي ابيهم وهو ماعلي منه دق اخوي عليه أكثر من مره يبي يكلمه عشان اخذ العيال ومارد قال اخوي ابروح اتوطى ببطنه واجيبهم غصب ولو انجبرت اخذ الشرطه انا خفت على اخوي وخفت على زوجي رفضت هشي وقلت خلاص لاتروح خلك بعيد وقمت ارسلت له اني ابي عيالي وكلمته بكل أدب دق علي وقالي الساعه وحده تطلعين بدون محد يدري ولا يبي يقابل اخواني على أساس انهم اهانوه ومدو يدهم عليه وقال اطلعي لي اليله إذا ناموا قلت وليه اطلع ومحد يدري انت خويي عشان اطلع بدس حاول فيني وأنه يبيني وشاريني بس شايل على اخواني وقلب الحق عليهم ولزم انه ماراح يدخل بيتنا وقال متى تبين تجين اتصلي علي واجي اخذك بس اشترط انه مايقابل الرجال ومحرم يدخل بيتهم قلت خير ان شا الله والله انك لو تحب النجم ماطلعت بدون شور ابوي وبيني وبينك المحكمه ضاقت يابنت وانقطع قلبي على عيالي اقسم بالله اكتب ويديني ترجف مدري وش السواه وعارفه لو دخلت اخواني الله يهديهم مايتفهمون الا بلعجرا معه وهو اسلوب ماعنده عشان اقول بيقابلهم بلين افكر بكره ارفع عليه قضيه بس ماابييها تتوصل للمحكمه تكفين لاوصلت هنا كبرت يالله اني بوجهك