بنات بسرعه حطوا نفسكم مكاني كيف تتصرفون

السلام عليكم ورحمة الله وبركاته
يابنات ابو زوجي متزوج ثنتين الاولى ام زوجي الزبدة جدة زوجي عجوز كبيره في العمر يمكن عمرها 110واكثر كمان ماشاء الله عليها نشيطة وبصحتها تقدر تمشي بس مشكلتها عمياء ماتشوف
المهم هالعجوز كانت عند ام زوجي من توفى زوجها حتى كانت لمن تخرج اخوات زوجي وحدة تتحرم من الطلعات وتجلس معاها
وبعد عشر سنوات جاء للعجوز خدامه قدموا لها وصارت الحرمه الثانيه حامل وأخذت الخدامه والعجوز عندها بعد مشاكل وكذا
وأم زوجي راحت مع بنتها توظفت بعيد عنا
المهم هالعجوز ضعيفة كل ماجات الحرمه الثانيه تخرج تصرفها وماتخلي وحده من بناتها عندها تقول لا كل بناتي يخرجون معاي
ومره طلبوا مني الحرمه الثانيه وبناتها ورفضت اخليها عندي اخاف تطيح ويصير لها شي بعدين ينشرون أني أهملتها ومااتهتميت فيها
الحين صار عمي ابو زوجي يحطني أمام الأمر الواقع يدق الجرس افتح ألاقيه هو وأمه يقول خليها عندك وجزاك الله خير ووو
مره احزن مااقدر اقول شي والله لو عدوي عند بابي مارديته وقلت مااستقبل ومو فاضيه
اللي قاهرني ليه مايقدر على حريمه وبناته بس يقدر علي انا يحطني أمام الأمر الواقع ودي اقهرهم بس مدري كيف
اليوم خميس كل الناس تخرج وهما حاطيني عندهم خدامه يروحون ويسيبونها في البيت ويجلس ولدها بلشان مايدري اش يسوي وينزلها عندي
اش تسوون لو كنتوا بمكاني