بنات بدخل بالموضوع ع طول .. مدري انا صح او اهل زوجي ؟؟ اكيد كلن له رأيه بس ما قدرت اتقبل حركاتهم
زوجي قرر يعزم اهله يوم الثلاثاء الماضي .. قلت له خلاص تم .. وبالمقابل احنا يوم الجمعه بنسوي عشا ونروح لهم قال فكرة حلوة خلاص تم ان شاءالله.
وعزمنا اهل زوجي لأنهم ساكنين من قريب بنفس محافظتنا .. ومن الظهر وانا واقفه بالمطبخ والاكل اشكال والوان ماشاءالله .. طبخت كل شي يحبوه بالعافيه عليهم والله كانت نفسيتي مفتوحه وفرحانه بجيتهم مرررره لاني احب الجمعات وتعودت يجونا من فترة لفتره حتى لو بدون موعد استقبلهم احسن استقبال ..
المهم اجونا والابتسامه شاقه وجهي وبرضو استقبلتهم احسن استقبال كالعاده ( للمعلوميه زوجي اكثر واحد يعزمهم عكس اخوانه اللي بالسنه حسنه ) وبرضو بعض سلفاتي كانو موجودين عندي على العشا .. وانبسطنا الحمدلله ..
واليوم اتصل زوجي ع ابوه وقال بكره بنجيكم ان شاءالله .. قال ابوه: احنا بكره عندنا ضيوف حريم ورجال بس ودي تجي انت واخوانك فقط بدون عيالكم .. زوجي استحى من ابوه وقال خلاص ابشر
ويوم علمني زعللللللللت بغيت انفجر مدري ليه حسيت غبنه بصدري .. ليه كذا .. اولا انا مخططه اروح من قبل ما اعزمهم وهذا اتفاقي مع زوجي .. وثانيا ليش احنا مو اوادم عشان مايعزمونا مع الناس ..
طبعا زوجي وقف مع اهله وقال من حقهم يعزمون اللي يبغونه لاتكونين حساسه وماله داعي هذي الحركات والزعل .. وماتدرين يمكن يجي بكره ويغيرون رايهم ويعزمونا كلنا ..
قلت لا والله ماعاد بروح لهم ولا اعزمهم عندي الا على كيفي .. قام زوجي زعلللللل وقال هذا بيتي واعزم اهلي ع كيفي مو بكيفك لو يجوني كل يوم مالك دخل .. قهررررني والله .. مدري اذا من حقي ازعل ع حركتهم ..
على الاقل سلفاتي اذا ما راحو او انعزمو ما بيزعلو لأن مابينهم تواصل كثير من الاساس .. بس انا ليششششش استقبلهم وما يستقبلوني .. ليشششش كل مره يجون عندي ويزعلون اذا بروح لهم ..
بتقولون اشغلي وقتك عنهم .. بصراحه ما همتني الروحه عندهم على قد ما انقهرت من ردة فعلهم ..
وهذي مو اول مره يسووها بس كنت اطنش واشغل نفسي بس يكونون لحالهم .. بس اللي قهرني ان عندهم بكره ضيوف يعني حالي من حالهم ..
اعتبروها مجرد فضفضه حتى لوكان موضوعي تافه
شاركي في النقاش
سجلي الدخول لإضافة تعليق.
التعليقات
29- تزعلين ليه عادي خلاص خليك زي سلفاتك كذا زوجك بيكرهك لجبتي طاري أهله خلاص ماتبغين عزايم تحججي قولي مرة تعبانة مرة مانمت مرة ومرة خلك ذكية ولاتخلين أهل زوجك وزوجك محور حياتك .
- طبعا يحقلك تزعلين بماكانهم يقولون ممنوع حضور الاطفال
وبس - السلام عليكم
اختي كل انسان له طريقة تفكير ؛ قد يكون تفكيرهم و تصورهم عنك انك تفضلين ان تستقبليهم في بيتك اكثر من انهم يستقبلونك في بيتهم ، و للموضوع احتمالات كثيرة ، لا تشغلي بالك بفكرة سلبية ، و تقبلي اختلافات طباعهم عنك ، و ما تفعلينه في بيتك فهذا يدل على كرمك و اخلاقك ، و المقابل فرح و حب زوجك لك ، فلا تطلبي لكرمك مقابل منهم ، حتى لا تخسري حب و فرحة زوجك بك و ببيتك 😍
و اذا اردت تقليل العزومات فلا تتبعي الاسلوب المباشر في الكلام
دارين حسن مستشارة نفسية و زوجية - صراحة ما لك حق تزعلين
هم عزموا أزواجكم بدونكم يمكن عندهم خطبة أو شيء خاص
ونصيحة لما تستقبلي أهل زوجك وتوجبيهم لا تنتظري يردوا لك العزيمة أعملي بأصلك وأكرمي ضيوفك - اذا عازمين سلفاتك الباقين وانتي لا معك حق تزعلين
لكن ماعزنوا سلفاتك مالك حق ممكن عزيمه خاصه فيهم
او خطبه مثلا لاتكبرينها وهي صغيره
مواضيع مشابهة
تابعي تجارب أخرى من هذا القسم.