اليوم بديت اول خطوه بالله قولولي صح إلى سويته والا غلط

يا صاحبة الموضوع سكنك في بيت لوحدك يلزمه أول شيء اخبار اهلك بما تنوين فعله مهما كانت الأسباب لا يجب عليك أن تكتمي هذا القرار عن اهلك

يااختي انا انصحك تاخذي راي واحد من خوانك وتقولي ماابي السر يروح مكان ( وقولي ماابي امي يزعجونها العيال ) قولي اخذ لي شقه قريب لكم . ولا تعلمين زوجك وينك قولي رحت لاهلي وباجلس عندهم واطلبي الطلاق
وروحي وارفعي قضيه طلاق علشان يجيك ضمان ومعونه سنويه ويخصمون من راتبه مصروف لعيالك
( نصيييييحه الهروب هذا مو زين لك اخذي راي واحد من خوانك وخليه يساعدك ويكون معك ) قولي له خايفه على نفسي منه وخايفه على عيالي .
وابي اربيهم بعيد عنه ولا يعرف وينهم

مجنونه انتي تستأجرين بيت وانتي ع ذمه رجال وعندك اهل


وش بيقولون الناس عن اهلك وعنك


وش هالتفكير والمنطق هذا
هذا مو حل


الاجنبيات هم اجنبيات ماسووها تجين انتي تسوينها


والله مانتي بصاحيه
ياتظلين ع ذمته ماتقدرين تطلقي واطلبي نفقه وسكن لاوالادك غير كذا لا

انا انصحك ، تقرّين ب بيتك وعند عيالك وتستخيرين ، دام عندك بيت وزوج يصرف وجبتي اطفال خلاص تفرغي لهم لان هذا القرار مو بس مرتبط فيك لحالك ، حتى بيأثر على أطفالك ، فلذلك لا تتسرعي واحسبيها من جميع النواحي ، وزي ما قالت الاخت ، قولي مااقدر اعطيك حقك الشرعي دامك راعي علاقات محرمة ، وخليه يصرف عليك وعلى عياله وبيته.. ومن الفلوس اللي جمعتيها حطي لك غرفة خاصة ترتاحين فيها ،،واذا طلع زوجك استودعي جوارحه ربي عشان يحفظه ولا يغلط بشي .. نصيحة من مطلقة ولا نصحتك إلا من محبة .....
ترى الطلاق مو شي سهل له تبعات واغلب اللي تختار الطلاق ومعها أطفال تكون موظفة غير ان المسؤولية بتكون أكبر من ذي قبل لأن معك اطفال وتربية ورعاية ، ربي يصلحه ويهديه ويسخره لك ويبعده عن طريق الحرام وأهله ...
(( لا تدري لعل الله يحدث بعد ذلك أمرا ))

ايش صار ع قرارك ؟