زميلتي بالدوام عندها مشكله

اخواتي هذي ياطويلات العمر زميلتي في الدوام جاتنا متنكده وشايله طويق على رأسها تقول النمل جننها ولا خلت شي جميع المبيدات جابتها
ونصحوها بالجره حقت الجرب ولا حصلتها قال لها الطبيب البيطري مقطوعة لانها قاتله وأعطاها بديل الجره وحطته بدورات المياه وخف النمل ولكن بدا يطلع لها من أماكن ثانيه اللي يبكيها تقول صار يطلع لها بغرفه النوم بشكل مًو طبيعي غيرت الشرشف وحطت مبيد ولا فاد
والمضحك تقول قلت تكفى يانمل اطلع من غرفتي ومن بيتي نخيتك ولا سمع كلامها ولا طلع
وجسمها تحسس اليوم يديها كلها متنفخه ووجهها تقول من النمل يمشي ويلسع وللعلم
النمل صغير بالمره هل تلاقي عندكم حل ربي يسعد قلوبكم على هالصباح