شاركي في النقاش

سجلي الدخول لإضافة تعليق.

التعليقات

28

  1. @albrnsys_sndrla

    اكتبي لك أهداف تحقيينها هذي السنة وقسمي أهدافك على الأشهر
    شوفي وش هوايتك ومارسيها بشكل يومي (كتابة ، رسم ، حياكه بالصوف ، ديكور ، طبخ
    وفيه مواقع فيها دورات مجانية مثل دروب ورواق


    كذا تحسين إنك إنسانة منجزة 👍🏻

  2. @aaalmy_ho_aaalm_hoaaa

    اشتركي بجمعيات خيريه
    نادي
    تحفيظ قران
    دورات
    تعرفي على صديقات او اقارب
    خلي عندك هدف دراسه او وظيفه او مشروع او مساعدة المحتاج او سفر لدوله معينه او الحصول على الشهره او اي شي
    دوري ايش هوايتك واذا مالقيتي جربي هوايات متنوعه يمكن تلقين نفسك
    اقري كتب
    تعلمي لغه
    سوي مدونه

  5. @ghzlan_bnt_saaod

    صاحبة الموضوع
    جزاكم الله خير وعسى ربي يسعدكم ❤️
    بنات انا طبعي ماحب افضفض ماحب احد يشوفني حزينه غصباً علي احب ابين لهم انه عادي وانا من داخلي منقهره طبعي اذا زعلت خلاص تحز بخاطري واسكت انا الحين حزينه واحس زعلانه على اهلي بس ماقدر اقول اني زعلانه لاني مابي اضيق صدرهم واحس زعلي ماراح يفرق معاهم انا طبعي خلاص اكتم واجاملك و اهلي عارفين اني م اطلع يعني مايجهلهم لكن كلن ساكت انا مستحيل اطلع والله اعرف اهلي الحمدلله انا شخصيتي قويه مش حساسه بس خلاص الايام صارت ثقيله علي صارت اقوى مني فوق طاقتي تعبت والله ودي افضفض واصيح صياح امنيتي اطلع اللي بخاطري ومحد يقولي اهلك يخافون عليك اهلك يحبونك اكيد يحبوني بس مش بالطريقه ذي انهم يحجروني تخيلو انا اكبر من اخواني ب ١٣ سنه والله انهم يسافرون ويكشتون وانا قسم بالله باب البيت م اعتبه الا كلن داري واحيانا ودي اروح البقاله مشي اغير جو يقولون لا!
    انا صرت اخاف على نفسي من الذنوب اخاف من الوسواس والتفكير اللي يجيني بنات انا اهلي حاسين اني محجوره مره قد قلت لامي توقعين ربي يعوضني قالت اكيد ان شاءالله
    انا ما انقبلت بالجامعه انا جداً حزينه راح شبابي بالبيت صرت اكره الرجال لانهم احس سببي حرمان من الحياة لان كل ماقلت بطلع قالو يمكن احد يتبلاك ! واضح انهم مش واثقين فيني واخواني اللي بزارين واثقين فيهم لدرجة مسافرين الف كيلو ونايمين بمزرعة بعيده !
    انا اطلب من حبيبي ربي العوض الجميل لي ولكل بنت مثلي 😢

تابعي تجارب أخرى من هذا القسم.