احتاج نصيحتكم و مساعدتكم

السلام عليكم ورحمة الله
كيفكم بنات يارب تكونوا بخير
بنات ماعندي غيركم بعد الله ابغى تنصحوني و توجهوني
انا الحمدلله متزوجه وعندي طفلين وحامل ف الثالث ف اشهر التاسع لكن يابنات عندي مشكله اني من يوم عرفت نفسي وانا احس اني اقل من غيري واني موحلوه واني ماانفع اني اكون اي شيء ف الحياه حتى اني اهملت نفسي كل ما اطالع اغراض البنات احبها وخاطري اصير بنت مهتمه بنفسها وكاشخه لكن صوت داخلي يقولي مو لايق عليك انتي ماتصحلين تسوين كذا هذه المشكله اثرت على علاقتي بزوجي كل ماينصحني او يقولي شيء بسيط ادخل ف نوبة بكاء وهلع انا مو زعلانه عشان نصحني او انتقدني لا انا ابكي عشاني طفشت من نفسي كرهت نفسي لدرجة اني افكر بطلاق مو عشان زوجي مو كويس لا والله انه طيب و يصبر علي كثير لكني تعبته معي صرت استحي منه لما تجيني الافكار السلبيه وبعدها ادخل نوبات بكاء
للعلم انا محاضره و على قدر عالي من الجمال بشهادة الكل حتى زوجي دائماً يقولي انه معجب فيني وحافظه للقراءن بقراءت السبع لكن مشكلتي اني من لما كنت صغيره اسمع كلام سلبي ومحبط وعلطول انتقاد من اهلي ولا عرفت انجز شيء إلا لما طلعت من عند اهلي الحين مو قادره اتحرر من هذي الافكار اثرت على حياتي كثييير
والأهم في الموضوع زوجي تعبته معي والله اني صرت استحي منه يقولي تعبتيني ماادري ايش اسوي عشان تكونين مبسوطه ومرتاحه

6 تعليق 749 مشاهدة

شاركي في النقاش

سجلي الدخول لإضافة تعليق.

التعليقات

5
  1. @hyooshh

    غيري افكارك تتغير حياتك مارسي قاعده 21 يوم اللي ترددين الكلام الايجابي ع نفسك وراح تصير حقيقه خليك واثقه من نفسك وبعد النفاس اهتمي بنفسك وغيري كل شي ملابسك شعرك يعني فرصه تتغيرين
  2. @zyn_07

    اقرأي كتب واسمعي مقاطع في اليوتيوب عن الثقة بالنفس وكل يوم سوي لك وقت فكري فيه في كل شي حلو ومميز عندك مثلا عند ثلاث بنات وقايمة فيهم ومو مقصره في شي حتى شكلك امدحي شكلك مع نفسك بالتفصيل امدحي شعرك عيونك جسمك طريقة كلامك ذوقك لا تخلي مجال لنفسك انك تقولي كلام يقلل منك واعتني بنفسك وسوي لك جدول عناية مع الوقت بيتغير الوضع
  3. صاحبة الموضوع
    مشكوووورين حبيباتي والله انكم اخوات صدق ربي يوفقكم ويسعدكم
    بس بنات تتوقعون إن زوجي صار يكرهني او تملل مني مع انه يقولي دائماً انا معاك وبساعدك ويقولي انها مشكله بسيطه

تابعي تجارب أخرى من هذا القسم.