شاركي في النقاش

سجلي الدخول لإضافة تعليق.

التعليقات

84
  1. صاحبة الموضوع
    بنت نهشل
    قولي الحمد لله الله يخليلي عيالي ويحفظهم لي بدل مانت جالسه تقولي ماكنت ابي عيال وهالكلام الفاضي والله انه لو يصير شي في واحد منهم لا سمح الله انك لا تموتي ندم
    يا بنتي انا ما اقول كلامي تذمر

    الحمدالله الف حمد وشكر

    انا اكتب ها الكلام رد على عضوة

    سالت وعلقت كيف تتزوجي بدون ماتجيبي عيال

    قلت لها مو شرط نجيب عيال ترا مو لازم
  2. sweeetbdoor
    يا بنتي انا ما اقول كلامي تذمر الحمدالله الف حمد وشكر انا اكتب ها الكلام رد على عضوة سالت وعلقت كيف تتزوجي بدون ماتجيبي عيال قلت لها مو شرط نجيب عيال ترا مو لازم
    والله انا فاهمتك تماما
    لاني احس نفس المشاعر بالزبط
    تزوجت حتى افتك من لسانهم والحمدلله وجاني ولد واحد
    واحس أنه ماشاء الله الله يحفظه اخذ كل وقتي
    بس لو مجتمعنا كان زي الغربي امكن ماكنت باجيب عيال
    بس الحمدلله الاطفال نعمة وكل شيء له ضريبة بالحياة
    البحرين مو سوا
    المصيبة يبغون كلنا نكون بقالب واااااحد
  3. الامومه ماهي سهله ابدا والحمل الاكبر في التربيه والاهتمام يكون على الام لهالسبب الجنه تحت اقدام الامهات


    احتمال انت ماكنت مستعده للخلفه او مو حابتها او بمعنى ثاني مو وقتها لهالسبب ماتحسي فيها متعه وتوصفي نفسك انك كسوله والشي اللي مايجي بقناعه تحسي مالك رغبه فيه او ثقيل عليك
    لكن امر الله وصار الان لازم تحاولي تغيري هالقناعه عندك انك خلفتي بدون رغبتك او حتى استعجلتي اثنين نعمه من رب العالمين لاتحسسي نفسك انهم ثقيليين عليك وتربيتهم صعبه ومتعبه ومرهقه ومن هالكلام السلبي والمحبط انت ام يعني مدرسه يعني مكان التعليم الاول لهم من حب وعلم وحنان ودين
    لازم تتغلبي على شعور الكسل وتزرعي في اولادك الايجابيه وحب الحياه وانت معاهم ولازم ينجزو شي في حياتهم غير الايباد والجوال شوفي ايش هواياتهم نميها لهم دخليهم نادي او تحفيظ او مركز خليك المعين لهم قدامهم حياه لازم يواجهوها بعقل نظيف وواعي وشخصيه قويه


    ودايما ادعي الله لهم في صلاتك وسجودك انه يهديهم ويبعد عنهم اولاد الحرام وبنات الحرام ويبعدهم عن الفتن ماظهر منها ومابطن ويرزقك برهم في حياتك وبعد مماتك ويقويك على تربيتهم🌹🌹
  4. @faith_5

    الناس والنساء طاقات..
    هالموضوع جا ع الجرح، انا وانا بنت ماكانت الامومه من أولوياتي،
    في ناس يحبون الأطفال ويلاعبونهم انا كنت جامده في هذي النقطه ولا أفهم لهم ولا الاعب كثير..


    ربي رزقني بطفلين، كنت في بداية انجابي لهم تعاملي آلي معهم بمعنى الكلمه، اعتني بهم واغير واخاف عليهم واخاف اقصر ومثاليه معاهم بس مشاعر الامومه ماجاتني من البدايه..
    كنت احس الطفل امانه وقاعده اسوي دوري اتجاهه وبدأت تجيني مشاعر اتجاه أطفالي علي نهاية السنه الأولى،
    الان هم بالنسبه لي عيوني اللي اشوف فيها بس المشاعر عندي ماتكونت بهالسهوله..


    وانا حنونه جدا جدا واحبهم جدا جدا َاحسهم سبب من اسباب سعادتي، لكن قدراتي ضعيفه من هذي الناحيه..
    واحس صعب علي اجيب أطفال اكثر مع اني مو صغيره في عمري..
    بس اشوف عندي طاقات محدده في هالموضوع ودايما ادعي ربنا ولا تحملنا مالا طاقة لنا به..

    وان شاء الله اجيب طفل ثالث والله يحفظهم مااعتقد اقدر على اكثر،

    ودايما يجيني تفكير ليش غيرك يتحملون وانتي لا ليش عندهم طاقه وانتي لا ليش ماتحاولين..
    يراودني لوم لنفسي في هالموضوع بس فعليا هذا اللي اقدر عليه وانا ماابغا أظلم احد من أطفالي او اجيب طفل ماأعطيه حب وعنايه وتوجيه كافي..


    لكن قلت لنفسي الناس طاقات في هذا المجال لاالوم نفسي ولا شي..


    ماادري موضوعك صارلي فضفضه، الله يهدي أولادي يارب واولادكم ويبلغني فيهم مااتمنى وماتتمنون ❤️❤️

تابعي تجارب أخرى من هذا القسم.