التجمع(( ١٣١)) للمقبلات على الحقن المجهري وأطفال الأنابيب🥰

امين يارب الله يرزقج قريب ان شاءالله ويفرح قلبج

مبروك التجمع الجديد الله يجعله تجمع خير وبركه.
سما بصراحه ماقدر بديت تنشيط من رابع الله يكتب لك كل الخير يارب من اوسع ابوابه
شموعي ربي يعافيك ويكتب لك التوفيق وتفرحينا قريبا انك بديتي وربي يقويك
ام سعد انا كمان زوجي وامي وابوي وحتى مسئولتي بالعمل اللي عارفه عني طبعا كلهم اجتمعو انه خلاص واحمدي ربك وربي ولدك وخلاص. مو مشجعيني لدرجه مرات احس اني اكافح لحالي اخر مره ابوي يقول لامي بعد رجعت ماقلنا خلاص خلها تشوف حياتها. وامي من كم يوم بس عصبت علي تعاتبني تقلي وقفتي كل حياتك على هالموضوع ومسئولتي نفس الحكايه لكن تدرين رغم كل الالم وكل التعب والله العظيم ربي متفائله ويوم استخير قبل العمليه وارتاح وتفشل اقول اي ماعليه ارتحت بعد الاستخاره لان الله يبي يرسل لي رساله كل هالمحاولات وتكرار الفشل علشان اوصل الى المحاوله الناجحه هذا طريقي الصعب اللي انكتب علي امشيه انا لو كان ربي تمم لي بالتوام ماكنت راح اكون مصره كذا يكفيني يكون له اخ يوقف معه في الدنيا انا وحيده ماعندي خوات وبالدنيا تحتاجين من يعينج. هذا بس اللي مخليني استمر. الفرق كبير بينا وبينه في العمر فيحتاج له من يعينه.
ربي يرزقك من واسع فضله ويعطيك حتى يرضيك ويعطيني ويعطي كل البنات.

سوال مهم جدا المحلول المناعي كم سعره تقريبا ؟؟ احتمال احتاج كم جلسه منه
وهل يسمن ؟ كأني قريت كذا
وطبيعي احتاج معه كورتيزون واسبرين وابر سيوله.
وسوال ثاني وش رايكم او اذا مريت عليكم هالمعلومه هل الافضل اخذ هالكورس كامل قبل كم شهر من الترجيع مادام عندي نسبه الاجسام المضاده مرتفعه سبق وسالت الطبيب قالي لا بس انا ماابي اجازف بالمجمد اللي عندي ابي اعمل كل اللي اقدر عليه.

بخصوص سعره يا الغالية فهو بين ال ٥٠٠ وال ٦٠٠
وتحتاجينه مرة اثناء التنشيط ومرة بيوم الترجيع

وفي حال ربي كتب لك الحمل يكون كل اسبوعين مره لحد الشهر الرابع او الخامس

بخصوص انه يسمن فالجواب اي نعم لأن مكوناته دهون وانا سمني على مدى بعيد يعني بعد العملية وليس اثناءها
والكرتيزون ما يحتاج اقول لك فهو غني عن التعريف ينفخ الجسم بوقتها لكن اذا تركتيه بعد الكورس يرجع ياخذ طبيعته

اما بخصوص متى تبدين فهذي ما فيها مغامرة لأنها ممكن تسبب لك نزيف لاقدر الله
كلها مسيلات للدم فما نجازف فيها اتبعي اللي يقوله لك دكتورك وبس هو يحكم بناءا على تحاليل وارقام صعبه احد يساعدك بقرار مثل هذا .

اهلييين ام سعد
الحمدلله عيالي بخير ولدي الكبير دخلة الروضة ان شاءالله السنه الجاية مدرسة ياسرع الدنيا كاني امس جايبة

ان شاءالله الشهر الجاي اذا ربي راد ابداء طبعا حسب قرار الدكتور لان راح اجية ثاني يوم الدورة ويكشف على الرحم اذا مافي اكياس راح ابدا
بس عسى مايقول عيدي التحاليل لان اخر مرة سويتها من خمسة اشهر الي هي تحليل التبويض اما الغدة من يومين سويتها هرمون الحليب من شهرين وكان تمام

بس يابنات انا الدكتور اعطاني فيتامينات صح احس جسمي تغير بعدها بس دورتي صارت
المها خفيف مومثل اول لماتجي اصدع واي مجهود يتعبني ذحين لا حتى عدد ايامها صار اقل من اول يعني اول اسبوع من خميس لخميس مثلا ذحين خمس ستة ايام وخلاص
مادري الفيتامينات لها دور!؟