زوجي وإصراره العجيب 🤔🤔

مرحبا بنات انا زوجة أولى بيني وبين زوجي عشرة لأكثر من ٢٣سنة وعندي مشكلة من ناحية الخلفة ربي ماكتب لي ذرية وزوجي تزوج من اكثر من ١٦سنة يعني عندو زوجة غيري هي بمنطقة وانا بمنطقة علاقتنا قايمة على الإحترام والرسمية وبيننا زيارات يمكن في السنة مره او مرتين المرة محترمة وعاقلة وانا كذلك ولله الحمد المشكلة هذي الفترة لاحظت زوجي حريص مره انو انا ازور مرته وبيته وعياله بشكل مو طبيعي يعني مثلاًانا سافرت للمنطقة اللي فيها بيت زوجي الثاني رحت عشان مواعيد مستشفى وعملية وكذا ياجماعة انا ماابي اروح عند احد بستأجر الين اخلص مشاويري وبرجع دوامي لكن الرجال نشب لي يلا بيتي ،ليه تقعدين لحالك ،عيالي يبونك ،عيالي يسألون عنك ،قلت ياابن الحلال والله مو رايقة ومابي اشوف احد مواعيد وتحاليل وفحوصات وهم مايتلم حل عني وكأني اكلم جدار ،يرسل فلانة تبكي تبيك ،والولد يرسل على جوالي وينك ياعمة ليه ماتجين مع أبوي قلت خير حبيبي ان شاالله امر عليكم ،طبعًا اتوقع ابوه طلب منه يرسل لي ،ياالله إلحاح فضيع شي مو طبيعي ،والله يابنات شي غريب عمره ماكان كذا امه وهي امه عمره ما طلب اني ازورها بهذا الإلحاح المهم قلت والله مااروح عناد فيك تحسبونه هجد يروح دوامه ويراسلني ما خلا طريقة ولا وسيلة اتصل يلا انا جايي قلت :بروح السوق كان اليوم الثاني موعد عمليتي قال تمام وأول ماطلعت السيارة ولده الكبير جالس ورى عشان يمنع اي نقاش او رفض مني رحنا السوق وبعد ما خلصنا قال :بوديك البيت سكت ورحت معاه طبعًا المرة استقبلتني احسن استقبال وكانت قمة في الإحترام وجلسنا مع بعض عادي زي كل مره مشكلتي مو معاها مشكلتي مع هذا التحول المفاجيء والغريب اش هالحرص واش هالإلحاح مدري يابنات شي مو طبيعي المهم اليوم الثاني سويت العملية وأول ماطلعت قال يلا بنروح بيتي ساعتها انفجرت فيه وقلت ورب النعمة لو ماتوديني الشقة اني لأطلب الطلاق اش قصتك انت مريض وطرت فيه الين ماهجد بنات العاقلات والحكيمات تتوقعون اش سبب هالتحول المفاجيء وليه هالأصرار الغريب مع العلم اتوقع حتى هي صار يفرض عليها هذا الشيء جاتني مرتين ورى بعض الله يستر يابنات لايكون الرجال بيودع عمره ماكان كذا 🤭🤭