شوفي ياقلبي ترى الاضاءه قبل كل شي مو لازم تكون واضحه وانتي تحطينها
يعني تبين في الاضاءات المختلفه للمكان اللي انتي فيه وحتى في التصوير
وبالنسبه لكريم الاضاءه نصيحه اذا يتكتل عندج فيه طريقه سهله ومريحه
اخلطيه مع كريم الاساس وبس بيعطي لوجهج تألق واضاءه واشراق حلو
ومن كريمات الاضاءه الحلوه الدايموند كريم من فورايفر
ومن سماش بوكس

ومن ريفلون بعد اضاءه حلوه واسمها skin lights
وتقدرين بعد ماتخلصين المكياج تحطين كم نقطه من كريم الاضاءه على الاماكن اللي تبينها وتفردينها بالأصبع بطريقه طبطبه وبنفس الوقت توزعين
واذا خفتي تتكتل خلاص خليج عالطريقه الاولى واخلطيها مع الاساس:)
وبالنسبه لبودرات الاضاءه بعد لاتعد ولاتحصى بس الاهم تستخدمينها صح
يعني بالفرشاه وتوزعينها على عظمة الخد والخشم وشويه عالجبهه
بس مو وااايد وخاصة اذا كان الانف شوي كبير بتبرزه اكثر الاضاءه
ومن بودرات الاضاءه الحلوه عندج من ماك
ونصيحه خذي بودرة اضاءه وحده ومع الاستمرار بتشوفين نفسج عرفتي توزعينها عدل
موفقه يالغلا
:)