مشكلة بنتي صف اول

ممكن كل يوم إسألي بنتك أحد يضايقها من الطالبات ممكن هي من النوع الكتوم ماتعلم.. انا بنتي كذا حصل لها بعد ما كانت تحب المدرسة والسبب مجموعة بنات تعصبو عليها بضربها وياخذو اغراضها لين كرهت المدرسة كره فضيع ما انسى صراخها ونحن مطلعيها من البيت ولا في المدرسة الكل يسمعها .واشتكيت على المديرة وبقيت اتابعها وارسل لابلتها ولله الحمد بطلو يضايقونها...حاسة فيك الله يفرج كربك وفرحك فيها وتطلع من الأوائل يارب

ترا ولدي تركيزه ضعيف مثل ماقلتلك والحمدالله الان ثاني ابتدائي لاتخافين ابدا..
في ناس حتى قالولي عنده فرط حركه وتشتت انتباه بس والله ماالتفت لهم انا اكثر وحده اعرف ولدي..

اجاملك لو اقول ماتعبت السنه اللي فاتت معاه اقسم بالله اني تعبت تعب عظيم في تدريسه والصيفيه كامله كنت ادرسه يوميا علشان ماتجي الدراسه الا وهو يتهجا الكلمات والحمدالله تعبت بس فيه تحسن كبير واضح فيه..

ومو لازم تكون متقنه تماما كل طفل له قدراته، بس بتعدي بإذن الله وبتتحسن والله يعينك ويساعدك على تدريسها..

فلاتشيلين هم بتكمل بإذن الله وادعيلها واقراي عليها قرآن وصدقيني مافيها الا العافيه..

صغيره على اولى لسى ماكملت ٦سنوات المفروض خليتي دراسة اولى السنه الجايه

اختي طنشي كلامهم انا بنتي اظن العام أو قبل العام ارسلوا علي ورقه مكتوب فيها ان عندها صعوبات تعلم في الرياضيات وإنهم راح ينقلونها لفصل خاص للي عندهم صعوبات تعلم ويبوني أوافق ورفضت رغم ان بنتي شاطره وتفهم وتعتمد على نفسها في المذاكره والحمدلله انجحت في الماده وبنتك شي طبيعي لأنها توها في أولى وشي جديد عليها مع الايام تاخذ على معلمتها وعلى الفصل وتتجرا اكثر

مشكوره حبيبتي لكلامك. نعم كانو يضايقوها ولاشفت تجاوب من معلماتهم. وبالاخير قفلت عن الدراسه ورفضت وعجرت ارجعها للمدرسه خفت علي نفسيتها.