شاركي في النقاش

سجلي الدخول لإضافة تعليق.

التعليقات

1,021
  1. @ghyom_24

    مساء الخير عالكل
    الله يبشركم بحملكم يا المنتظرات ويسهل اموركم يا الساعيات للانجاب ربي ينولكم مرادكم
    انا هالفترة فيني حزن عممميق على ابتلائنا الشديد الحمدلله ياربي على كل حال لكن يحزز بالخاطر لما تشوفين الحريم حولك يدورون عن موانع الحمل او يختارون اي وقت تحمل فيه وبس تنزل المانع تحمل يا الله يا بنات شعور مؤلم والاكثر وجع لما اشوف عرايس حوامل من شهرهم والا حريم حوامل ورا بعض يا بنات مدري فهمتو على شعوري !! مابيوم خفت ان زوجي يقرب مني عشان ما احمل يعني انام معاه وانا مؤقنة ان دورتي بتجي واللي دخل مثل الموية بجسمي مارده يطلع ولا راح استفيد منه شي !! والله شي عظيم وابتلاء لا يووووصف لا يوووصف ورغم ذلك مافي احد متعاطف مع ظروفنا ووضعنا بالعكس يا يتهربون ويخافون ويخفون حملهم مننا او يتسلطون بنصايح وتوصيات وهم مايدرون ان ماباليد حيلة وان هالعشبة فادت معاك لان حالتك تسمح ولان الله كتب لك
    انا الحمدلله ربي رزقني بعد مرررارة سنين عقم وزوجي صفر ومعاناة بعد ماطلع الشيب براسي ربي اظهر كم حيوان منوي بالسايل ولقحنا فيه البويضات وسويتهم على محاولتين الاول فشل والثاني نجحت وقبلها سويت منظار وتكشيط رحم وبعد حملي سويت ربط عنق وسويت قيصري يعني مريت على ٥ عمليات بسنة وحده وجبت بنتي الحمدلله
    لكن الان مدري هو عنده حيوانات والا اختفو 💔
    واساسا مدري كيف كيف يابنات برجع لهالمرمطة قلبي يوووجعني العمر يركض واشوف اللي متزوجات معاي باحضانهم ٣ و ٤ واللي متزوجات بعدي برضوه عندهم اثنين فما فوق ااخ يابنات لا جلست وحده تقول وحملي ماعرفته الا صدفة او غلطة هالكلمة تقتلني الف مرررره تذكرني بجرحي اللي احاول اداريه واضغطه بس مارده ينزف ينزف كل ماتجدد حزني اخ يابنات ودنا مره نجرب شعور الصدفة بالحمل مره تتاخر ونروح مثل الحريم نحلل ويطلع حمل كذا صدفة وحنا رايحين بس نتسأل ليه متاخرة ولا ببالنا اننا حوامل امنية مجرد امنية اسفة على بعثرات كلماتي هاضت احاسيسي بعد اخبار حمل عرايس من اقاربي من شهر زواجهم ماشاء الله الله يتمم لهم على خير
    هاضت مشاعري لاننا حنا بس يا بنات هالتجمع ومن امثالنا من ذرف الدم والدمع مقابل كلمة مبروك حامل
    نفسيتي دماااار متى نجمع فلوس العملية ومتى تسمح ظروفي اكررها وبنتي مين يمسكها محد بيقدر يمسكها الا وقت اجازات وهم فاضين ومتقبلين وايش اعذاري لما اسوي السحب والترجيع وغيره عشان يقبلون اما اذا مزاجهم مايسمح ماراح احد يعبرنا !!!
    كيف باخذها معاي المركز واشوف بعض البنات المنتظرات عند الدكتور يشوفوني بنظرات عندك طفل ليه جايه تعالجين ثاني نعم كنت مثلكم افكر بس لما جربت عرفت ان الضنى صعبة يكون وحيد وبني ادم لا حصل الشيء طمع بكرم ربي 💔💔💔
    يا الله احس بحزززن والله لما اعرف مرمطة علاجي وهل بتنجح تجربتي او لا سمح الله وحتى لو نجحت وراي ربط ووراي راحة شهور الحمل كلها وقيصرية يالله كيف ابتلائنا وجد بشيء انفطرنا عليه لا حول ولا قوة الا بالله
    الله يجبر الكل بالحمل الطبيعي يارب يارب يارب العوض الجميل بكل شيء 💔
  2. @ghyom_24

    ام حمود لازم اذا ماخذة تفجيري تحلل بعد اسبوعين
    انا حللت بعد ٩ ايام وطلع حمل كيمائي يعني بس بتحليل المنزلي يبان من الادوية تعطيك خطين
  3. @samah_p

    غـيوم
    مساء الخير عالكل الله يبشركم بحملكم يا المنتظرات ويسهل اموركم يا الساعيات للانجاب ربي ينولكم مرادكم انا هالفترة فيني حزن عممميق على ابتلائنا الشديد الحمدلله ياربي على كل حال لكن يحزز بالخاطر لما تشوفين الحريم حولك يدورون عن موانع الحمل ا…
    😭😭💔 كلامك حقيقي الله يطعمنا الحمد لله على كل حال ربي يجبر بخواطرنا والحمد لله على عطايا الرحمان واكيد ربي بيكرمنا ويعوضنا وهو على كل شي قدير

تابعي تجارب أخرى من هذا القسم.