غيوم حبيبتي ماندري الخيره وين والله العظيم ودي احمل طبيعي ويكمل حملي لين اولد بالسلامه بس ربي كتب لي الحمل الطبيعي مايكمل ثلاث حملات ولا وحده من الحملات اكملت اخر وحده استئصلت الانبوب بسبة الحمل الحمدلله على كل حال أكيد لي خيره في هالشي ولي أجر وتكفير ذنوب
وبناتي حملت فيهم بحقن مجهري بعد تجربه فاشله
امس وحده تسولف تقول انا أخذ مانع حامل طول الشهر وآخر شي زوجي مايقربني الا مره بالشهر وتشتكي من الحبوب وتقول ماقدر اتركها اخاف من هالمره احمل في نفسي اقول عندها ثقه انها بتحمل من هالمره واحنا ننطر الحمل يصير باي شكل من الأشكال نتمنى والله ويشهد علي ربي مابعد حسدت حد على شي ربي معطيهم اياه ولو بحسد كان حسدت اقرب الناس لي خواتي
ودي اقول احملوا دامكم قادرين تحملون طبيعي
والا اللي تجي تقول انا نظام اجنبي مابي اكثر وبعدها ادري انها حامل ناس وايد مايقولون انهم حوامل وشي راجع لهم مثلاً معي بنات بالدوام وعلاقتي فيهم زينه نفطر مع بعض ونتواصل بالتلفون احملوا ماقالوا لي شي وبعد اقول براحتهم ثنتين منهم وحده منهم جاتني قالت الدوره متاخره علي ومادري ايش ومن هالكلام قبل لا احمل ببناتي قلت افحصي يمكن حامل اليوم الثاني الصبح علمت وحده من البنات طبعاً هالوحده امسكتها وساسرتها بأذنها ومتاكده مليون بالميه انها قالت لاتقولين لها انج حامل جاتني بدون مااسئلها قالت ترا انا مب حامل وانا وانا وانا قلت الله يرزقج قريب من اسلوبها دريت انها كذابه وستين كذابه طبعاً علمت كل اللي في المكتب وبعد فتره احملت الثانيه ونفس الشي بدت شوي شوي تخيس النفس وتتكلم معي بطرف خشمها قلت اوكي أسلوبكم كذا خليت العلاقة معهم رسميه سلام عليكم وعليكم السلام عاد هي فكرت اني حاسدتها الحمدلله والشكر وبعد فتره تسولف وقالت انها حامل وان فلانه اللي قالت متاخره عليها الدوره حامل قبلها وبس لين هنا ماعاد فيه علاقه قويه مع حد اخلص شغلي واطلع لبيتي مافيه تواصل لا بتلفون ولا بغيره خلاص راحتي اهم شي وسبحان الله ثنتينهم ولدوا انا حملت ببناتي وخذيت اجازه طول فترة حملي ومادروا الا يوم ولدت حتى مسج البشاره ماطرشته عليهم خليتهم يدرون من البنات الباقيين
اللي يضايقني الناس صاروا يشوفوني بحسدهم لا والله وش صاير في الدنيا أحسدهم على رزق ربي كاتبه لكم إنتوا مب افضل مني اذا حملتي طبيعي هذا ربي معطيج ياه لا تحسسين الناس انج افضل منهم
انا لي رزق ويمكن رزقي احلى وأفضل من الرزق اللي ربي عطاكم ياه ومتاكده انه بيجي اليوم اللي ربي بيكرمني فيه ربي مب مخصص الرزق والذرية لكم
واللي تجي تقول بالغلط ابي افهم وحده متزوجه وماتاخذ مانع وتنام مع زوجها وماعندهم مشاكل بالإنجاب شلون حملت بالغلط 🤔🤔
انا حملي الأخير ماتوقعته لعدة أسباب اني صار لي سنه وزياده من بعد اخر اجهاض لي وحملي ببناتي بعلاج سبحان الله لين اللحين احس فضل من ربي هالحمل خلاني افرح واشوف الخطين وعشت دور الحامل اللي حملت حمل طبيعي وفي نفس الوقت اقول اجر كبير وتخفيف ذنوب ان شاءالله
متامله خير ان شاءالله ربي بيرزقني في الوقت المناسب والعدد اللي ابيه إن شاءالله الله
الحمدلله ان احنا ماعندنا مشاكل كبيره تمنع الحمل حتى لو كان بعلاج
الله يرزق الجميع ويجعل كل مامرينا فيه تكفير لذنوبنا ويكتب به اجرنا ❤️❤️
اسفه عالاطاله
التجمع(( ١٣١)) للمقبلات على الحقن المجهري وأطفال الأنابيب🥰
متابعة النقاش، صفحة 85