يا ريت كل وحدة تخبر كيف علمت زوجا انها حامل و افضل طريقة تقولي فيها لزوجك انك حامل

انا تأخرت علي الدورة 10 ايام وماقلتله وحتى ماكنت شاكة اني حامل طلعت مع رفيجتي وقالتلي خل نروح نحللج وانا اقول لها لأ وبالاخر رحنا وطلعت حامل واستانست رحت شريت له مجسم عربانة بيبي صغيرة كريستال وكتبتله كلام حلو على ورقة التحليل .... واول شي عطيته الهدية فتحها ومافهمها :( ........ ولما عطيته ورقة التحليل ما استوعب وريوله ماكانت شايلته من الفرحة علشان ماكان متوقع .... فنصيحة خليه يتفاجأ لا تلمحينله حتى بيكون فرحان اكثر ...

سمعيني حبيبتي انا اول ما شفت الدورة تاخرت عندي شكيت على طول اني اكون حامل خاصة انه عمر الدورة ما تتاخر عندي ومع التعب واللوعان المهم شكيت وكان زوجي مسافر وهو عارف انه الدوة تاخرة عندي واول ما رجع من السفر نفس اليوم خذاني للعيادة وعملت تحليل وطلع اني حامل واول ما خبرت زوجي ستانس وانشاء الله ... الله يتمم على خير واولد بالسلامة ادعيلي.

أما أنا :

تأخرت الدورة شوي يعني يمكن اسبوع ، وكان زوجي يقولي شكلك حامل ، ما صبرنا جبت التحليل المنزلي حتى أتذكر كنت لسى راجعة من الجامعة الظهر مرينا الصيدلية وجبناه رجعت للبيت وطول الوقت يقولي يلا سويه ولا بأسويه أنا !!:eek:
بعدين لما سويته طلعت النتيجة ايجابية يعني فيه حمل ماصدقت وقلت لا يمكن غلط فلما جى المغرب جابلي واحد ثاني ماصبر وقالي بسرررررررررررررررررررررعة سويه وخلينا نشوف النتيجة سوا !!

دخلت الحمام وانتظرت شوي وانا على اعصابي ولمحت التحليل (يعني لعبت على زوجي) وحسيت اني شفت خطين يعني حمل!!!! طلعت وقلت شكلي حاااااااااااامل وجلست أصيييييييييييييييييييييييييييييييييييييح حتى صورني وأنا ماسكة التحليل وأصيح ..... بعدين أخذني على المستشفى عشان تحليل الدم وتأكدنا أكثر ................ :04:

الحمدلله وانا الحين بالسابع ادعولي ..

أنصحك يا nisooo تستني لما يرجع وتتأكدوا سوا يعني حتى انتي لاتتأكدي الحين خليكم تفرحوا سوا يعني شعورك انتي وياه يكون طازه مع بعض مو واحد قبل الثاني ..

أم جيدو

من رايي انتظري الين يجي ترا طعمها احلى بوايد
ولا تخربينها بالتلفون او المسج ... سمعي نصيحتي
بتشوفين الفرحه في عيونه ومب بعيد يشلج من كثر
سعادته ...
والله يتمم لج بخير
اما انا فكانت لي تجربه جدا رائعه
تاخرت علي الدوره وكان زوجي مش موجود وانا كنت
ببيت اهلي سويت التحليل مرتين وطلعت حامل هذا بعد سنتين زواج
بس ماخبرت زوجي الين جاء ورحنا البيت وكان باقي يومين على ذكرى
زواجنا وقلت له الخبر وطار من الفرحه ........شعور جميل لا يوصف

لكن في الشهر الثالث الله ماكتب له وسقطت ...
والحين بنكمل خمس سنوات وننتظر الفرج من عند الله

مرحبا خواتى ..
وربى فرحت لكم .. والله يرزق الباقيات ويفرحهم انشالله ...
انا عن نفسى (( تونى عارفه ))
رحنا للعياده .. و التحاليل اخذت وقت و زحمه وكان عنده موعد تأخر عليه وانا تفشلت مره ..
وتعذرت منه ولما قالت لى الدكتوره وطلعت وركبت السياره كان يقول لى خير ؟؟ هاه وش قالت ؟؟
خاصه انى كان لازم اتعالج لانى اعانى من مشكله ف الهرمونات وتركت العلاج لما سافرت بس الحمد لله
عموما انا من الربشه قلت حامل وانا انتفض .. طار من الفرحه وقال يعنى عجزنا ؟؟
وووووووووووو وبس ...
عموما تونى ف اشهر الاول او الثانى والله ماادرى هذانى بطلت قسم البشره والمنزل وبديت احوس ف قسم الحمل ..
الله يعين انشالله ..
سلام