بنات انا نزل وزني 13 كيلو بسنه وحدة
اكلي ماتغير كثير بس عدلت نومي
وخفت شهيتي عن زمان
كنت اول اذا فضيت اكلت هههه
الحمدلله الحين ارتحت مشاكل الهضم والقولون
والتصبغات اللي كانت بجسمي خفت
ماشاء الله ارتحت صراحة
بس سمرت شوي
لاني اتعرض كثير للشمس مع السواقه
لكن بشكل عام ابين اصغر من سني
الحمدلله
المشكلة كل من شافني الحين شهق
ايش فيك اختفيتي!!!! ليه صرتي كذا!!
ابتسم واقول الحمدلله متبعه حميه :)
طبعا مو صحيح بس ابي اسكتهم
تزيد الوقاحة: لا حرام كنتي احلى!!!
جسمك صار بدون معالم!!
ايش فيك ترى الدنيا ماتسوى!!!
ويربطونها بطلاقي بطريق غير مباشر
طيب متى نخلص!
وحدة زودتها صراحة
قلت لها بابتسامه: احسن من الشحوم
قامت ردت: يازين الشحوم دام معها راحة بال
هههههه وش يبوووون!
ترى جد تفجعني شهقاتهم
خصوصا اني اختفيت فتره بعد طلاقي
والحين صاروا يحسسوني كني مريضه
بنات ترى وزني ببداية الخمسين
مو شي كارثي مره.. اشغلوني الله يشغلهم بانفسهم
الاغرب ان هالتعليقات من ناس مايمونون
يعني زي زوجة عم امي.. بنت خال ابوي
ايش فيك ومافيك ليه صرتي كذا
سواء اللي عرفوا بطلاقي او ماعرفوا
مسوين لي تحقيق وانهيار وزحمة
صرت انحرج منهم بالمناسبات
لانه مو تعليق والسلام
لازم يجي بعده: خربتي نفسك وكنتي احلى!!!
وانا اساسا ما تعمدت انحف
شي جاء من ربي
استغفر الله واتوب اليه
شاركي في النقاش
سجلي الدخول لإضافة تعليق.
التعليقات
42المشاركة المقتبسة غير متاحة.
ياختي يقولونها بوجيه مفجوعه
الا غصب شكي بنفسك
حسيت اني عصا مكنسه لابس فستان هههه
مدري غيره مدري استهبال والا وشو- الحريم الكبار يحبون العافية .. والوزن ..لاتضايقين نفسك احتمال كبير مايقصدون شي
أسماء الحريم الكبار يحبون العافية .. والوزن ..لاتضايقين نفسك احتمال كبير مايقصدون شي
بعد عمري انا مو صغيره.. بعد سنتين ادخل الاربعين
وتجيني هالتعليقات من بنات بالعشرين
كنتي حلوه كان جسمك يهبل كانا ومانا وهالخرابيط
كان وزني بنص الستين وصار ببداية الخمسين
والمشكلة زاد والا نقص ماطلبت رأيهم
استغرب جراءة بعض الناس صراحه- الناس ماراح تخلصين منهم وراكي وراكي بالهرج انتي بس سلكي لهم وابتسمي وقولي والله وبس ديري نفسك عنهم واسحبي على باقي كلامهم
- السلام عليكم
كيف حالك اختي ؟
الكثير من الناس لا يعلمون مدى اهمية الكلمات التي تقال و ما وقعها و تأثيرها على الانسان ...
يعتاد الناس على الاشخاص و على شكلهم و تغير الشكل يثير الاحساس عند بعض الناس ( ان ما اعتادوا عليه كان افضل ) ، بمعنى انهم يرون ان شكلك الاول كان افضل هذا بسبب اعتيادهم عليك بهذا الشكل ...
و طبعا بما ان البشر تبحث دائما عن تفسير للتغيير ، فلابد ان يقولوا بعض التفسيرات المناسبة لشخصياتهم و ارائهم في الحياة ....
اطمئني اختي هي فترة و ستمر و سيعتادون على هيئتك الجديدة ان شاء الله ، و لا ترهقي نفسك بمحاولة تغيير ارائهم ....( لا ابرر طبعا طريقتهم في الكلام ) ...
دمتى جميلة في كل احوالك
دارين حسن مستشارة نفسية و زوجية
مواضيع مشابهة
تابعي تجارب أخرى من هذا القسم.