شاركي في النقاش

سجلي الدخول لإضافة تعليق.

التعليقات

1,021

  3. @nodlz99

    :أماني:
    بنات ادري اللي فينا مكفينا بس فيني شي غريب نفسي زاهده كل شي احس ماعاد ابغي ولا شي من الدنيا تدرون مو قادره اعطي اي شي حتى بالدوام بالبيت يادوب انظف واجهز الملابس واذا مرات بطبخ ولدي مسكين مو قادره اجلس معاه والعب او اعلمه شي صايره عصبيه …
    الجأي لربك وكل مافي خاطرك قوليه بالسجود
    حاولي تغيرين من روتين حياتك اكلك لبسك واكشخي واهتمي بنفسك
    حطي وقت تتابعين فيه مسلسل او فلم وقت غياب زوجك
    اكثري استغفار وحوقله

    وحطي ببالك دايمًا ان كل شي ربي كاتبه حياتنا نفسيتنا رزقنا نصيبنا من كل شي واطلبي منه المستحيل في سجودك حتى راحة البال والسكينه وانه يعوضك عن الاهل والاصدقاء ويجبر قلبك وشوفي كيف قدرته

    واحمدي ربك انو عندك دوام تغيرين فيه جوك
    ابدأي التغيير من نفسك وشوفي كيف بتصيرين.
    الافكار السلبيه والاحباط ترى مافيه بني آدم ماتصير له وهالاشياء تقوينا وتصحصحنا اننا نتغير ونتجاوز

    احرصي على وردك من القرآن واستشعري نعمة ان الله يسمع صوتك وانتي ترتلين ويباهي فيك ملائكته ( هذا الشعور صدقيني عظيم ) ولاتقطعين صلتك بربك وتنقطع عنك الحياه.

    والله ان هالنصايح من اخت تعيش نفس ظروفك ويمكن اشد ،، بس الحمدلله مجرد ما اذكر نعم الله علي ويكفيني منها العافيه احمده وابعد كل سلبيه ..
    ودائمًا رددي " اللهم رضاك والجنه "

تابعي تجارب أخرى من هذا القسم.