استشاره لحياتي الزوجيه

السلام عليكم
أنا جديده عن المنتدى
وحابه أستشيركم للي عندهم خبره في حالتي
أنا متزوجه من ١٥سنه تزوجت وأنا عمري ١٦سنه والحين عمري ٣٠سنه والحمدلله ما بيننا أنا وزوجي خلاف
مشكلتي ساكنه في بيت أهله مع أمه وخالته
ياربي لك الحمد طيبين الحمدلله
بس مشكلتي الوحيدة ماتقبلت أبدا أبدا 😭
وأمنيتي أكون في بيت لحالي لي أنا وزوجي واولادي
المشكلة هنا
أنا معاد فيني أتحمل الوضع وش السوات
اعمل مشكله وأروح لبيت اهلي 😩
ولا اصبر ع العيشة الي ربي كتبها لي
إيش اسوي افيدوني
مع إني تعبانه نفسيا
العمر راح وأنا منتظره هذا البيت 😞

11 تعليق 1,636 مشاهدة

شاركي في النقاش

سجلي الدخول لإضافة تعليق.

التعليقات

9
  1. @kacocoa

    ياقلبي , ... لاتضايقين نفسك , دام أمه وخالته طيبين ومايسوون مشاكل معاك فمالاداعي تتضايقين , صحيح كل وحده تتمنى تكون مستقلة ببيتها هي وأولادها لكن مايستدعي انك تفتعلين مشاكل ..أصبري وحاولي أنتِ وزوجك تنظمون خطة لضبط ميزانية المنزل ..وخليه يجمع للبيت ويسعى قد مايقدر , ...
  2. @non_algmaaa

    يعني الناس طيبه معك وظروفه كذا..
    تبين تسوين مشكله مع الرجال الي ما سولك شي لأجل تخرجين..
    اتوقع انك فضيتي و طفشتي وشفتي الناس كلهم مشاكل وقررتي تدورين مشكله.
    احمدلله على النعمه لا تروح منك و يجيك شي ما توقعتيه ابد ابد
  3. @flan_6

    ايه حبيبتي اتركي بيتك وعيالك وسوي مشكلة من ولا شيء علشان يشوف لك بيتك لوحدك وخصوصا ان اهله طيبين وهو كويس معاك وخلي بيتك يخترب بالمرة سبحان الله ناس تدور النكد والمشاكل

تابعي تجارب أخرى من هذا القسم.