👧🏻💖​التباشير (13) لمواليد سبتمبر🔹اكتوبر (2019)👦🏻💙

آمين يارب الله يسلمكم حبيباتي ويبارك فيكم وعقبال تباشيركم ياااارب 😘😍
والله دعيت لكم كلكم بدون استثناء الله يتقبل ♥️
دريم من جد احساسك بمحله من الجمعة الصباح وانا متنومة انتظر فرج ربي والحمد لله على الخلاص وانتهاء رحلة وهن على وهن 🤲

إن شاء الله يجيك طلق من ربنا انا كنت ادعي وطفشتكم من كثر خوفي وقلقي من الطلق الصناعي وان ولادتي تتعسر والحمد لله ربي سهلها طلق طبيعي جاني بآخر لحظة حتى الدكتورة استغربت لأنه ماكان فاتح إلا ٢سم والطلق خفيييف بالتخطيط ومافيه شىء مستحيل على ربنا وكانت مهملتني وتولد غيري لأنهم جاهزين ماشاء الله وانا كنت لسه ماحولي ولادة أنتظر بالدور وفرجت يارب لك الحمد والشكر من دون تدخلاتهم.
ولا اوصيكم يابنات الدعاء الدعاء الدعاء

اكشن ولادتي 😍🤱
أقولكم شىء حصل معاي وربي اللي تحب الخير لغيرها ولأخواتها المسلمات ربي يسخر لها ويسهلها غرفة التنويم حقتي جنب غرفة الولادة بنفس الممر جاتني الممرضة وقالتلي امشي وانا والله مافيني حيل وطفشت من الأنتظار ونوم مافيه تعرفون وضع المستشفى ازعاج واصوات الصراخ والزوار ماتخليك ترتاحين المهم وانا اتمشى بالسيب (الممر) إلا أشوف أم تنتظر بنتها جالسة تولد جوى وتصارخ تصارخ وتتألم جلست ساعتين على حالها وأمها تكلمهم يقولون لسه ٤سم فاتح الرحم وتجلس تبكي الأم وانا تركت المشي ووقفت معها اواسيها وابكي معها 😭 وربي كأنها أختي اللي تولد شلت همها وادعي لي ولها بالتهوين وبعد نصف ساعة الممرضة نادتني عشان بتحلل سكر الحمل وبتسويلي تخطيط وانا والله يابنات ماكان فيه طلق ولا آلم إلا خفييييف مغوص الدورة قالوا بنجرب معك جرعات تحاميل كل ٦ساعات وبيعطوني مضاد عشان أخر مزرعة للبول كان فيه التهاب بس فيه قبلك بالدور وبدأنا معهم الصناعي فأنتظري وسبحان الله لما نادتني الممرضة للتخطيط زي ماقلت لكم قلت لأم البنت بالله بشريني إذا ولدت وانا بنص التخطيط جاتني أمها وبشرتني بخلاص بنتها يارب لك الحمد والشكر ودعت لي من قلبها وودعتني وراحت وربي يابنات ودعتني من هنا والطلق اشتغل من هنا وارتفعت النسبة بالجهاز وهو كان ٢٠ وأقل تخيلووو سبحان الله والممرضة راحت على طول نادت الدكتورة وجات شافت التخطيط وقاست إلا ٥سم قالت خلاص ولادة وجابوا لي كرسي وعلى غرفة الولادة اعطوني المضاد ومسكن بالعضل وقفلوا اللمبات وقالولي نامي شوي وخلوني ساعتين وبعد الساعتين أشتغل الطلق الصدقي وتعبت شوي من النفس عشان معي ربو وجابتلي الكمامة واشفط منها واشفط وادفع وكم دفعه والحمد لله اقبلت بنوتتي بخير وسلامة ونسيت بشوفتها كل اللي عانيته بالتنويم وانتظار ٤١ أسبوع والله يسهلكم ولادتكم خواتي الغاليات ويجعلها هينة لينة سهلة ميسرة كطرفة عين يارب ياكريم وتنسون كل اللي مضى بشوفة بيبيهاتكم بحضنكم بصحة وعافية 🤲♥️

الله يعطيك الصحة والعافية ويجزاك كل خير
الحمد لله على سلامتك
والله الولادة انتظارها هم أغلب تعب الولادة نفسي والخوف يكبر المشكله اعوذ بالله من الشيطان

الله يعافيكِ ياقلبي ويسلمكِ من كل شر
اي والله انضغطت نفسياً من الأنتظار واشوف الشاشة عندهم قائمة المنتظرين وانا رقمي الطبي بآخر القائمة حرفياً اكتئبت بس الحمد لله جاء الفرج من حيث لا احتسب