بيتزوج علي عطوني نصائحكم

اخذت معرف صديقتي انصحوني الله يسعدكم جميعا
زوجي عنده اعاقه خفيفه واذا زعل على شي تافه يهجرني اسابيع ويطردني ويهددني بالطلاق والزواج ويستمر الزعل اسابيع لانه يرفض يتناقش او يحاور يقول اعتذري وبس سواء كنتي غلطانه او لا يعني متسلط ... مسكني بفيلا ويرممها لي كل سنتين ويعطيني مصروف ويسفرني باستمرار يعني جدا مرتاحه في حياتي الماديه معاه وبيننا ثلاث اطفال ،،
وانا جميله جدا وماعندي اي مشاكل صحيه مابي امدح نفسي بس عشان تفهمون القصه ،،
واحب بيتي واطفالي وهو على طول برى او مسافر وحنا مرتاحين بصراحه لانه اذا جاء البيت ينكد عالكل ،،
المهم انا صابره ومحافظه على بيتي ويشهد الله علي اني مو مقصره في شي بس زوجي متناقض احيانا يحبني واحيانا كأنه شايف له شوفه ومو معبرني مهما اسوي بس ولامره مسكت عليه شي خيانه او غيرها ،،واخواته بعد مو مخليني في حالي وحاطيني تحت المجهر بعكس سلفاتي..بس امه طيبه معاي،،
لقيت بجواله رساله لقروب اخوانه يطلبهم يتدخلون ويكلمون امه تدور له زوجه ثانيه بس اخوانه وقفو بوجهه وقالو حرام وذي زوجتك وام عيالك وماراح تلقى مثلها ومن هالكلام احترق قلبي يعني فوق صبري عليه يكافئني بالزواج وكمان تزوجني صغيره وهو اكبر مني ب١٠ سنين وسبق وملك على ثنتين قبلي بس ماتم الزواج مقهوره كسرني قدام اخوانه كيف اتصرف لحد لان ماوضحت شي ولاقلت اني شفت الرساله قلت افكر صح قبل لا اواجهه،،واكثر من مره قالي ليش ماتحتويني وتدلعيني وتسأليني اذا شفتيني متضايق يعني قولو لي كيف اسويها وهو على طول برى البيت واذا جاء مد البوز شبرين !!
وسبب مشكلتنا الاخيره اللي خلته يفكر فالزواج انه يبيني اصير مسؤوله عن بيت اهله يعني خدامه من الآخر وانا رفضت لأن بيتي يكفيني واهله ماعليهم قصور وعندهم خدامه وماعجبه ردي