شاركي في النقاش

سجلي الدخول لإضافة تعليق.

التعليقات

984
  1. @barbie_4

    دريم ويب
    مساء الخير استمرت المغوص والطلوق معايه تخيلو شدت علي من الساعه 1الليل لين 7الصباح قال زوجي قومي اوديش المستشفى بس خفت قلت مابروح تو الناس اهو الطلق قوي ومؤلم بس مو منتظم يعني مرات بعد 5دقايق مرات بعد دقيقتين تجي الطلقه ومرات 10دقايق بس ا…
    والله كانج تتكلمين عني انا رحت المستشفى والمغص مؤلم بس الطلق مب قريب يعني كل ٨ دقايق تقريبا بس قالولي لازم يكون اقرب ولازم يزيد المهم ان الالم بدا يخف مع الظهر وللحين انا عندهم اخر تخطيط سوولي اياه فيه طلق بس كل ٨ دقايق ماقلت المده وشكلي مراح اولد قالولي اذا لين بكرة نفس الشي بيطلعوني مايبون يولدوني بدري يبوني انتظر للاسبوع الجاي عشان اكمل ٣٧ والله يسهل ويكتب اللي فيه الخير
  2. @barbie_4

    samah21
    حتى من الخوف و شايله هم م اسوي شي يجيب الولادة ابدا ابدا و يارب بعد م اخلص تجي 😞🙏
    سبحان الله ترى ربي يسهل على الوحدة الحمل والولادة مع الدراسه .. عيالي جبتهم كلهم وانا ادرس والحمدلله سهالات وعدت وانتي تكونين مشغولة بالدراسة وتحسين ربي يعطيج قوة وتيسير سبحان الله .. لكن هذا الحمل كنت اقول في بدايته فرق بين الحمل مع الشغل ومع الدراسه وايد كنت مرتاحة ومتى ما تعبت ولا مرضت عطوني اجازة مرضيه .. لكن بنهايته سبحان الله صارت لي مضاعفات غريبة ونادرة وتعبت كل كم يوم ارجع اتنوم في المستشفى من دخلت السابع .. لكن الحمدلله على كل حال قدر ولطف ويارب يحفظ لي جنيني ويقر عيني بشوفته سليم ومعافى بلا زيادة ولا نقصان وكل الحوامل يارب ويسهل علينا ماتبقى من الحمل والولادة بلا مضاعفات ويقوينا كلنا ياارب ♥️
  3. @barbie_4

    ام ايلا 111
    والله انا مثلك كل ماحسيت بالم هجدت ومسكت السرير ولا اتحرك واخذ مسكن مابغاها تجي قبل موعد القيصري ، وبنفس الوقت حاسه انها قربت لان مغص الدورة مايروح ملازمني ع طول والنغزات اللي اسفل صارت تجيني هذي علامة توسع عنق الرحم
    نفس احساسي والم بظهري وكاني بروح الحمام وكل شوي ادخل مافي شي وحرارة بالمنطقة كان يجيني نفس كهربا من ظهري لبطني والحوض عبالي باولد خلاص لكن برد خلاص وخف سبحان الله
  4. @barbie_4

    ام العنود ولولو
    بسالكم اليوم خلصت المضاد والتحاميل والغسول قالت ثلاث ايام بس احس حرقه من تحت شي يحرقني وحكه غريبه قبل العلاج مافي شي 🤭 والغسول مكتوب خطر ع الجنين وهي كتبته لي لاحول ولاقوه الابالله
    يمكن التهاب بول او تغسلين وايد بالصابون؟ جربي ترطبين المنطقة بزيت طبيعي مثل جوز الهند
  5. @barbie_4

    ام العنود ولولو
    ايوه ام الاميره امس كتبت سؤال للبنات ان عندي التحجر فوق السره مره كوره يبان حتى من فوق الملابس مدري ليش كذا وقاسي تمام وتحت فاضي لين. الله اعلم ومحد رد علي 🤷🏼‍♀️
    هو التحجر والتقلصات تكون من فوق تحسين فيه اكثر شي لانه يدفع البيبي على تحت وقت الطلق الحقيقي.. بدايته يكون كاذب

تابعي تجارب أخرى من هذا القسم.