قررت انفصل عن زوجي

السلام عليكم ورحمة الله وبركاته
بنات قررت انفصل عن زوجي نهائي تحملته وصبرت عليه فوق ٧ سنين متزوجه ومعي ولدين وبنت من بدايه زواجنا كنت اشتكي منه انه يضربني ويسبني ويسب اهلي ويناديني بالفاظ وصخه ومنعني من اسير اي مكان عدا بيت اهلي او جمعات اهله ورضيت كذا مره ازعل بيت اهلي ويقول مابيكرر وارجع ونفسه هو ماتغير وبخيل فالفلوس واغراض البيت بنقاش حاد لما يجيبهم كله ماعاجبه زعلت تقريبا ٤ مرات واقول مااريده ويرجع يراضيني وارجع بس خلاص تعبت منه الحين من تقريبا ١٠ شهور سكنا بيت بروحنا وقلت بيتغير ولا الا زااد /من اول يشك فيني بس الفتره الماضيه يشك فيني بزياده يلمحلي كانه اسوي شى غلط وامس يقولي انا ماصغير تكذبي علي وانا عصبت وقلت له وش قصدك اني اكلم شاب اذا قصدك كذا ايوا انا اكلم وطلعت عنه وبعدها ضربني قدام اطفالي وصار يدفني واتصلت باهلي وجوا يأخذوني وطبعا هو لما ناديته عشان ابوي يكلمه رد علي نادي الا تكلميه يكلم ابوك
شليت نصف اغراضي واهلي قالولي خلاص ماتبينه قلت لهم خلاص لو رجعت له صعبه العيشه معه مانعني من كل شئ ويشوفني كل شى اسويه غلط هو حتى مانعني اطلع مع الجيران ورضيت لكن فيه اشياء ماتتحمل الفاظ يوميا وسب اهلي وحكره
طبعا ناويه اقدم بلاغ عليه والمحكمه هم يشوفوا امووره وخلاص مااريد ارجع اريد ارتاح واربي ولادي واسوي شى احبه طبعا معه كاني خادمه
العيشه معه صعبه
المطلقات يكتبوا وش حسوا فيه كيف بتعدي الفتره الجايه
لانه صعبه العيشه مع الاهل ووراك العيال الله يصلحهم