قررت انفصل عن زوجي

اولادي معي
تصدقي مافيه شى حلو/اي شى ابيه مايقدر يسويلي كله مستعينه بأهلي او اسويه بنفسي كل شى صعب معه ويجرحك بالكلام وصراخ لين مايسويه

العيشه صعبه مع اولادي لانه صغار وطبعا لانهم اطفال ربشه/لكن بجي يوم وبيكبروا
احسن من انهم يشوفوا الاهانة والصراخ الا بينا دايما صاروا لما اقولهم سوا شى يقولي ولدي الكبير بخلي بابا يضربك
الاحترام كان منعدم بيني وبينه

الله يفرج همك..
ما جربتي ما تستفزينه ابدا عشان ما يضربك يعني اي شي تحسين انه بيضربك بسببه ما تسوينه.. ما تناقشين معه اي موضوع واذا. شفتيه معصب تسكتين وتذكرين الله وتبعدين عنه عشان ما يمد يده...
زي كذا جربي هالحلول..
مع الإكثار من الدعاء والاستغفار..
قولي اللهم اجعله زوجا صالحا لي يحبني ويخلص لي ولا يمل مني ابدا وسخره لي وسخرني له واجعله أباً صالحا لابنائي...
وممكن تروحين عند اهلك فتره ترتاحين وتكثرين فيها من الدعاء في السجود وقبل التسليم وألحي بالدعاء..
وشوفي وش وضعك.. اذا حسيتي انك اشتقتي لبيتك واستقلاليتك ببيت لحالك مع عيالك ومع الصبر على وجود ابوهم معك ارجعي..
واستخيري قبل كل شي..
وبالنسبة لمشاكلكم أمام الأطفال هذه غلط.. اذا حسيتي انو بيكون فيه نقاشات او شي تخبي عنهم ولا تستثيرينه ابدا دائما أكثري من ذكر الله في البيت وشغلي القرآن اشتري المصباح القارئ وشغليه ٢٤ ساعه.. عشان يكون بيتكم فيه هدوء وسكينه..
ولا تجلسين في نفس المكان اللي هو فيه.. عشان ما يكون فيه نقاشات ومشاكل بينكم.. تجنبيه..
واحترميه قدر الإمكان..
المهم لا تيأسين كل شي يتصلح بإذن الله..
( بعطيك مثال / يوم شك فيك وجلس يسأل جاوبتي قدام الأطفال وقلتي ايوا.. هذا غلط اولا مفروض مسكتي أعصابك وقلتي لا الحمد لله انا شريفه عفيفه وقلتيها بكل ثقه واذا كرر السؤال روحي ناقشيه بعيد عن الأطفال وحاولي تهدينه قولي الله يهديك ويصلح حالك يا رب.. الحمدلله طول عمري شريفه وبعدين غيري الموضوع ناقشيه في شي ثاني امدحي شي جابه لك عشان ينبسط زي كذا..)
حاولي تكونين دبلوماسية في التعامل معه..
لأنك مثل ما قالوا البنات اذا تطلقني بتتزوجين غيره ولو ما عاملتيه بدبلوماسيه وتحملتيه بترجعين تطلبين الطلاق..
الرجال يبيلهم صبر وذكاء في التعامل معهم..
وطبعا اهم شي تستشيرين اهل الخبره..
وما تستعجلين في اتخاذ اي قرار..
وبالنسبة للبخل هذا ينحل بالمدح والأكثار من شكره والثناء عليه في اي شي يجيبه لكم..
اكثر كلمه يحبها الرجل هي كلمة شكرا..
اشكريه اذا جاب لكم أغراض للبيت..
واذا تبين أغراض زياده اطلبيها بإحترام قولي الله يعافيك الله يحفظك لنا الله يغنيك ويبارك لك في رزقك ممكن تجيب لنا اللي ناقص وتعلمينها وش اللي تبونه وخلاص.. واكتبي اللي ناقصكم في ورقه وحطيها في جيبه..
الله يرزقكم ويسخره لكم..

اذا وضعك عند اهلك اريح وافضل نصيحه العمر مره وحده وشوفي اللي يريحك وصدقيني ربي ماشرع الطلاق الا لمثل هالحلات اللي استحالت فيها العشره (وان يتفرقا يغن الله كلن من سعته )ربي يوفقك ويسهل امورك

السلام عليكم
اذا تسألين اتطلق ام لا ، فانت الاعلم بوضعك و حالك ، تناقشك في هذا الموضوع يكون اكثر مع المختصين اولا مفتي و ثانيا مستشار نفسي ...
اما اذا كنت بتسألي عن الحال بعد الطلاق ، فطبعا هي فترة لها مشاعرها الخاصة بها فغالبا تشعر المرأة بمشاعر سلبية مثل الحزن و الندم و الخوف و ما إلى ذلك ، و لكن هذه المشاعر تقل و تزيد و تختفي على حسب سبب الطلاق و شخصية المرأة ...
و في رأيي المتواضع ان الله خلق بداخلنا جميع انواع المشاعر ، فلكل شيء فائدة ، و انا اعتبر ان شعور المراة بهذه المشاعر السلبية مرحلة مهمة ، فهي كمرحلة تنظيف نفسية ، و بانتهاء هذه المرحلة تكون المراة اكثر قدرة على الشعور بالسعادة و مستعدة لإكمال حياتها
اهم شيء ان يكون سبب الطلاق قوي ، و ان تكون المراة ناضجة بما فيه الكفاية ؛ حتى تمر هذه المرحلة بسلاسة و بسلام ...
تحياتي لك
دارين حسن مستشارة نفسية و زوجية