التجمع العشرون لمواليد مارس&ابريل 2020💙💗

الحمدلله ع السلامة
عمرة مقبولة ي رب 💜
الله يتقبل ما دعيتيه والله يجزاك خير 💕

مساء الخير 🌿
العنود عمرة مقبوله والله يكتب أجرك ويستجيب دعائك 🍀💙

بنات انا اليوم مره مكتومة والكحة تشد معي 🥺💔
وش يهديها تكفون !؟
استخدم بخار فقط ..

حطي علي صدرك فكس يريح مره

بصمه نصيييحه لاتكثرين ملابس
انا احب البسهم اول الأيام ارواب خفيفه أسهل باللبس والتغيير عشان السره اذا فك البسهم افرولات
طبعآ اخذ ٦ بربتوزات داخلي و٦ افرولات اللي تجيك كامله تغطي رجوله مايحتاج تشتري شراب
٤ مهادات و٢ بيت للطفل او يسمونه كوفله و٤ قبعات انسقهم مع الافرولات
وبكذا مايحتاج اجيب طقم للضيوف
اصلن بيكون الطفل ممهود مو مبين فيه الا القبعه والمفرش الخارجي 😅
المدس بشتري واحد شفت واحد نعوم بسنتر من شركة قيقلز احطه فيه اذا بينزله لأهله او عنده موعد وكمان بطانيه
والأقمشه كله قطنيه ماراح اخذ مخمل أو صوف لأنه ممهود ومتغطي لو بعز البرد ماراح يبرد
ماكثر ملابس لأن راح تجيهم هدايا وكله شهرين ونازلين للسوق ونشتري كل اللي خاطرنا فيه لهم
وكمان نسيت السرير
انا عندي سرير عيالي مشاءالله له عشر سنين شركة جراكو اخذته من سنتر ب٦٠٠ ينامون فيه الى عمر ٦-٧ شهور بعده اصفطه واحطه بشنطته للمولود الجاي




والتجهيز ماراح أجهز الا بعد الشهر السابع لين نخلص من الدراسه
الله يتمم لنا ويسر لنا الحمل ويسهل الولاده ويبلغنا شوفتهم وهم ونحن بااتم الصحه والعافيه يارب ياكريم