وحيدة ماعندي علاقات
سلام كيفكم انا يابنات احس بوحدددده فضيعه وفراغ فضيع طبعا مو متزوجه ولامتوظفه من عمر لما اتخرجت وانا هذي مشكلتي بس اللي قاهرني الشهر اللي راح اشتركت بنادي وهذا الشهر مارحت لما رحت مع انه ضغط وارهاق وانا جسمي مو محتاج نادي لكن كنت متسليه دحين لما تركت احس بحزن بوحده بشي يخوف مدري كيف اوصف الفراغ اللي فيني كمان انا ماعندي صاحبات حاولت كثير اتعرف مافيه حتى بالنادي اسولف مع بنات بس كذا سواليف عابرة واكتشف انه كلهم صغار الي الثانوي اللي جامعه ولا احد يحرص انه يسوي علاقه اللي قاهرني اخواتي متخرجات كلهم متواصلين مع صاحبات الكليه حتى امي تضحك عليا وتقول انتي مو اجتماعيه ماعندك اصحاب اختي ماشاء الله لها اربع سنوات متخرجه وكل فترة تزور وحده انا صاحباتي بعد الكليه قطعوا العلاقه اموت قهر لما يجون ويروحون مع صاحباتهم احس بنقصصص حتى مرة جربت رحت مع اختي لقيت صاحبتها بزر وكلامها تافه ماناسبتني المهم انا عندي صاحبه عمري هي خالتي تركنا بعض قبل عشر سنوات انا احتكيت فيها ايام الكليه وكان تعاملها معي مو عاجبني وقطعت العلاقه معها ومن لما تركتها وانا احن لها كثير نفسي نرجع لبعض هي كثير قالت لاخواتي قبل تبغى ترجع العلاقه معي بس ماتبادر انا دحين نفسي ارجع لها لقيت حسابها انستغرام ورسلت لها كم مسج وتقول انتي مين احس مااقدر اقول اسمي وافكر ان ممكن العلاقه ماترجع زي قبل ايش رايكم ارسل او اطنش