السلام عليكم
كيفكم يابنات حواء
بدخل في الموضوع ع طول
انا موظفة وزوجي ساعدني شوي في الدراسة كان يوديني ويرجعني مشوار بعيد
وبعد ماتوظفت وحوشت مبلغ عطيته كل تحويشتي وزاد عليها من عنده واشترى بيت باسمه طبعا
الحين هو يصرف علينا اكل وشرب بس احتياجاتي الشخصية مايعطيني واحتياجات عيالي في الغالب تكون علي زي ملابس وكذا
ويحاول ياخذ مني زياده. يلمح لي اصرف على البيت وطنشته. طبعا الشغالة علي ومواصلات المدارس بعد علي
اشوف اني قدمت له كفاية بس احسه مو مكتفي
والي قاهرني اكثر يوم ماكان عندي فلوس كان يبخل علي يعني من يوم تزوجته نادر جدا يعطيني مصروف او يجيب لي هديه بالعكس انا اهديه
ومايساعدني في الشرهات يعني اذا بهدي احد قبل لا اتوظف مايعطيني المبلغ الي يكفي للهدية وهو عنده ويقدر
وبعد ماتوظفت الشرهات كلها علي
تخيلو حتى مرة جيت بشتري هديه لخواته رفض يعطيني فلوس يقول هاذي منك انتي!!
الحين انا افكر احوش وادخر لي شي لاني مااضمنه خصوصا له قصص معي قديمة بس خايفة من ردة فعله لانه مايبيني استقل بشي خاص لي ومدري وش الدبرة😢
شاركي في النقاش
سجلي الدخول لإضافة تعليق.
التعليقات
49- لك قصص قديمه معاه وجالسه تحوشين له
الله يصلحك حتى لو كنتي موظفه هو مسؤول عن واجباته في الصرفيه مو انتي علشان موظفه خلاص تتحملي كل شيء - صاحبة الموضوع #99293838
ام ريان وورغدد لك قصص قديمه معاه وجالسه تحوشين له الله يصلحك حتى لو كنتي موظفه هو مسؤول عن واجباته في الصرفيه مو انتي علشان موظفه خلاص تتحملي كل شيء
هو عشان كان يوديني ويجيبني يحس له فضل علي في وظيفتي بس انا رديت له الجميل وخلاص ابغى استفيد شي لنفسي بس هو عينه على فلوسي طبعه هو واهله كذا يحسون الزوجة ملك لزوجها هي وفلوسها طماعين الله يهديهم - حتي لو موظفه ملزوم يصرف عليك وخلي لك حساب محد يعرف فيه وحولي جزء من راتبك عليه ولا مخلوق يعرف فيه وقولي له صرفته او دوري لك حجه المهم اتبعي مقوله قرشك الأبيض ليومك الأسود الرجال مامنهم أمان
- من الذكاء تحوشين له وياخذ البيت باسمه 😒😒 لو انك كملتي الشويه الي باقي وشريتيه باسمك انتي كان صدق حس بفضلك عليه وانه عايش في بيتك وضافته
- صاحبة الموضوع #99293908
إسبريسو من الذكاء تحوشين له وياخذ البيت باسمه 😒😒 لو انك كملتي الشويه الي باقي وشريتيه باسمك انتي كان صدق حس بفضلك عليه وانه عايش في بيتك وضافته
لا مو شويه الي باقي اخذهم من البنك ويدفع اقساط شهرية
وانا فكرت فيها بس خفت لان واحد من اخوياه دخل شراكة مع زوجته في بيت وحرمته كانت تدفع الاقساط وهو اسمه مكتوب ولا يدفع وصار بينهم مشاكل كبيرة بهالسبة واخر شي انفصلوا
مواضيع مشابهة
تابعي تجارب أخرى من هذا القسم.