زوجي الله يهديه 💔

فعلا صدقتي الدعاء له هو الحل اخاف من كثر النصح ترجع نتيجه عكسيه ويصير اسواء واسواء لانه بيفهمه انك تحبي النكد والانتقاد
الله يصلح أزواجنا وأزواج المسلمين

جزاك الله خير والله يجعله في موازين حسانك فعلا فهمتي قصدي وعطتني طرق ⁦❤️⁩⁦❤️⁩ وكل الي نصحوني بدعاء جزاكم الله خير فعلا الدعاء سلاح والله يهدي الجميع

وليه تقولين له صل الوتر ماهو لازم يصلي الوتر الرسول ماعمره أمر احد بغير الفريضه لاتدخلين نفسك بمتاهات عليك نفسك وادعيله لاتنسينه

انتي نصحتيه وما قصرتي دام انه ما يحب حد ينصحه ويتضايق منك بس خلك في حالك وداومي انتي على طاعاتك وان شاءالله يتأثر فيكي بس دايما ادعي له بالهداية

نسال الله الثبات ..هذا الدعاء لانغفل عنه
زوجك تغير اكيد من مايشاهد ويسمع قل الايمان في قلبة
لان الايمان يزيد بالطاعات ويقل بالمعاصي
ف شوفي ياقلبي مدام هذا الشعور عندك وخوفك ع زوجك مما هو فيه وانتي حاسة انك خايفه ع نفسك بعد
فهذا شعور طيب ..شعور النفس اللوامة !
خليك انتي حريصة ع عباداتك والنوافل وابتعدي عن الافلام القدييمه وغيرها
واطلبي من الله والحي بالدعاء ان الله يصرف عنك وعن زوجك كل شي لايرضيه
وان يردكما اليه رداً جميلاً !
اذا خايفه من صراخ زوجك وكلامة جربي تكتبين له رساله في الواتس
قولي والله اني اتذكر زماان لما كنا نحافظ على صلاتنا ومانشوف كذا وكذا ....كل الي تبين تقولينه له اكتبيه
وحطي نفسك معه،،واتحسر واخاف ننجرف اكثر
واخاف من سوء الخاتمه!!
قولي انا مقصرة اكثرر منك بس انتي القدوة لي ولعيالي
ابيهم يشوفون ابوهم يروح المسجد وياخذهم معه
صلاحك من صلاحنا وصدقني انا خايفه عليك ومن حبي لك اتمنى ترجع مثل اول واحسن
خاصة احنا في زمن الفتن والابيتلاء


وبعد هالرساله لاتقولين له شي عليك بالدعاااء


في السياره قولي بلاش الاغاني اخاف يصير شي لاقدر واحنا نسمعها


حطي سماعه في اذنك واسمعي اي شي قران محاضره اي شي ينفعك،
واكثري من الدعاء له ولنفسك ..وربك كريم❤️