واخيرا ارتاح يوم شاف ولده يرادد لي

انتي لا تطلبين من الولد شي ودام في سواق يختي روحي معه ولا خلي اختك تجيبه لعندك
الولد مو مكلوف فيك صراحه
وعماته يعرفون يقتصنون الفرص ضدك
اشتري راحة بالك وقومي بامورك بنفسك

يعني هذا رد منطقي بالله؟!! اتقوا الله بردودكم وخافوا الله، تروح السنين وتنقطع الأسباب وردك محفوظ... نسأل الله السلامة، ولصاحبة الموضوع الولد ضعيف حيلة بكرة يكبر ويستقل، عامليه بالمعاملة اللي يذكرها لك ويدعي لك كل مااتذكرها؛ إن عملتي خير جزاك الله خير وإن كان شر فميزان ربك عاجل وعادل والله ييسر لك أمرك إن كان خير.

ان جينا للحق الولد ماهو مكلوف ان راح بطيب خاطر ولا بكيفه والحين الله يسلم قوقل ماب الي مايدل صار يدل

تبين الصراحه.... اتركي الولد الله يرضى عليك.... مالك خص فيه...
ترى الدنيا تدور ودورتها موجعه....... احمدي ربك ان عيالك تربينهم انتي.... احمدي ربك واشكريه... ي عزي له ماعنده أم تداري دمعته وتجبر خاطره....


ترى مو شطاره لا منك ولا من عماته... ترقصون على جرحه على اساس انكم تحبونه....


اتركيه يكفيه ان ماله حضن يضمه اليا جاء من المدرسه تعبان..
اتركيه يكفيه ان ماله احد يفقده ان غاب سفرة الاكل...
اتركيه يكفيه ان عيون امه غايبه عن حياته.
.. اتركيه يكفيه ان ابوه أسس حياة واطفال وهو ماله حياه.....
اتركيه يكفيه يشوف عيالك بين ام واب. وهو عايش يتنقل بين البيوت ياخذ منها سموم الافكار.
... اتركيه اتركيه اتركيه هو حياته صعبه لاتزيدينه عذاب.... اتقي الله. هذا اللي اقوله لك..

والله عيوني دمعت عليه والله لو ادلكم غير اخذه اربيه عندي مع عيالي ومايكون خاطره الا طيب
حرام عليكم اتقو الله فيه حرااام تكفون
يكفي انه عايش بين البيوت مرة عند عمه مرة عند خالته مرة عند جدته
يكفيه ماحد داري عنه ولا فاقده لو حصله حاجة حرااام عليكم
والله ابن زوجي عاش عندي من سن ٩ الى ١٥ سنة وماخليته الا براحته
والله العظيم يوم كان زوجي بيضربه او يهاوشه اوقف بوجهه وامنعه ما ابغى تتاذى نفسيته وامه متزوجة وبعيدة عنه كنت احس فيه وبكسرته يوم يشوف عيالي وعيال عمه وعماته كلهم معاهم اب وام الا هو واحاول بقدر الامكان اني اعوضه
اتقي الله انتي وعماته فيه والله لو ادل امه لا اسحبها من شعرها تجي تاخذه منكم ياللي ماتخافون ربي