تقريبا نفس الشي صار معايا .. نقدر نقول أنه قلب الطاولة عليكي. . يعني إنه انتي الغلطانة. . فعشان كدا قال روحي بيت أهلك .. هو بيقول انه انتي سويتي كدا وكدا فيه .. والغالب في مجتمعنا انه اذا انتي يالزوجة سويتي شي بسيط ويشتكي منه الزوج .. يحط في القائمة السوداء. . وينسون ولا يفكرون في اللي هو سواه. . تصيرين بدل ما تبغين وتدورين السند والعون. . يفكرون في انه انتي الغلطانة. ..
انا مد يده عليا في عيد شوال .. وللمعلومية هو الغلطان 100% قلب الطاولة عليا .. بكذب. . كلمت أهلي .. صمت. .لا حراك. .
والله ثم والله .. ثم والله ..كل شي صار شكيت لله .. الشاهد بيني وبينه. . ومرتاحة. . ومريحة نفسي وضميري. . الله يشهد ويعلم اني ماضريته. . بس السبب في الثوران. . إنه في شي مخبيه. . ومضايق مرة .. ونفسيته زفت بسبب دا الشي. . فقلب كل شي ضدي. .
انتي قلتي سألتي عن السيارة وثار. . في شي بينه وبين نفسه مخبيه. . عشان كدا ثائر .. ويبغى يحط اللوم عليكي. .
وأنا أختك. . اتركيه. . وقومي بواجبك. .وبنفسك وصحتك وصحة الجنين أهم شي .. الحياة ما تتوقف عليهم. . اشكي همك لله .. اسجدي سجدة طويلة قدر استطاعتك فضفضي فيها لله .. بترتاحين. . ارفعي يدك لله في الليل .. واشكي. .والله بترتاحين. . اقري قرآن كثير .. واختمي. . واحفظي. . واقراي على الجنين. . وادعي له .. واستودعيه الله .. وزوجك أدعي الله له بالمستحيل اللي تبغين تشوفينه منه .. وربنا ما يخيب رجاك ولا دعاك. ..أكثري من الحوقلة والاستغفار والصلاة على النبي صلى الله عليه وسلم والتسبيح والتحميد والتهليل والتكبير. .. والله بترتاحين وبتأنسين بذكر الله ..
هو بجي بدعواتك وبقربك من الله .. ربنا بيرده لك ردا جميلا. .
لسا بداية زواج. . الله يسخره لك ويجعلكم قرة عين لبعضكم ويجعل المودة والرحمة والسكينة والألفة والمحبة بينكم تحفكم وتغشاكم وتحتويكم. . يارب. . استودعتك الله الذي لا تضيع ودائعه ربي يحفظك ويسعدك ويحقق لك امانيك يارب ..💖💖
زوجي ضربني لأول مره و بسبب سخيف
متابعة النقاش، صفحة 5